ىشكى ىستەر مينيسترلىگى اكىمشىلىك پوليسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا بريفينگ بارىسىندا جول اپاتى سالدارىنان ءولىم-جىتىم ءجيى بولاتىن وڭىرلەردى اتادى، دەپ حابارلايدى قازاقپارات ءتىلشىسى.
«قالا سىرتىنداعى جول اپاتتاردان ءولىم-جىتىم الماتى، جامبىل، جەتىسۋ، اقتوبە، اتىراۋ، اقمولا، تۇركىستان جانە ماڭعىستاۋ وبلىستارىندا كوپ بولادى. مىسالى، 2023 جىلدىڭ 9 ماۋسىمىندا جامبىل وبلىسىندا، «الماتى – تاشكەنت» اۆتوجولىندا «Lexus570» ماركالى اۆتوكولىكتىڭ جۇرگىزۋشىسى رۋلگە يە بولا الماي قالىپ، جول جيەگىندەگى جىراعا اۋدارىلعان. اپات سالدارىنان جۇرگىزۋشى مەن ونىڭ ەكى جولاۋشىسى وقيعا ورنىندا كوز جۇمىپ، تاعى ءبىر جولاۋشى اۋرۋحاناعا جەتكىزىلدى»، - دەدى اقتوتى بورانوۆا.
سونداي-اق ءىىم وكىلى جول بويىنداعى بالالاردىڭ قاۋىپسىزدىگى ماسەلەسىنە توقتالىپ ءوتتى.
«جازعى كانيكۋلدا بالالاردىڭ قاتىسۋىمەن بولاتىن جول-كولىك وقيعالارى ەرەكشە الاڭداۋشىلىق تۋعىزادى. جىل باسىنان ەلىمىز جولدارىندا كامەلەتكە تولماعان بالالار وتىرعان كولىكتەر 1 046 رەت جول اپاتىنا تۇسكەن. ونىڭ سالدارىنان 72 بالا قازا تاۋىپ، 1152 بالا جاراقات الدى. وكىنىشكە قاراي، كۇن سايىن جولداردا ءبىر بالا قازا تاۋىپ، 10-نان استامى زارداپ شەگەدى. اپاتتان مەرت بولعان بالالاردىڭ 67%، ياعني جارتىسىنان استامى جولاۋشىلار، ال قالعان بولىگى جاياۋ جۇرگىنشىلەر»، - دەيدى ول.