اڭگىمەگە وزبەكستان تاراپى باستاماشى بولعان.
مەملەكەت باسشىسى قاسىم-جومارت توقايەۆ وزبەكستان پرەزيدەنتى شاۆكات ميرزيويەۆپەن تەلەفون ارقىلى سويلەستى، دەپ حابارلايدى Almaty-akshamy.kz اقورداعا سىلتەمە جاساپ.
اڭگىمەگە وزبەكستان تاراپى باستاماشى بولعان.
"وزبەكستان پرەزيدەنتى اباي وبلىسىنداعى ءورت سالدارىنان ادامداردىڭ قازا تابۋىنا بايلانىستى مەملەكەت باسشىسىنا جانە قازاقستان حالقىنا كوڭىل ايتتى. شاۆكات ميرزيويەۆ قازا تاپقان ازاماتتاردىڭ وتباسىنىڭ قايعىسىنا ورتاق ەكەنىن جەتكىزدى"، - دەلىنگەن حابارلامادا.
اڭگىمەلەسۋ بارىسىندا تاراپتار ەكى ەل اراسىنداعى ستراتەگيالىق سەرىكتەستىك پەن ىنتىماقتاستىقتى ودان ءارى نىعايتۋعا نيەتتى ەكەنىن تاعى دا راستادى جانە الەمدەگى قازىرگى جاعداي تۋرالى پىكىر الماستى.