قابىلداۋ پۋنكتى ساعات 10:00-دەن 19:00-گە دەيىن جۇمىس ىستەيدى.
بۇگىن الماتى قالاسىندا اباي وبلىسىنىڭ تۇرعىندارى ءۇشىن گۋمانيتارلىق كومەك جيناۋ باستالدى، دەپ حابارلايدى Almaty-akshamy.kz
الماتى قالاسىنداعى گۋمانيتارلىق كومەك جيناۋ پۋنكتى: بايتۇرسىنوۆ كوشەسى، 22ك 1، 1 قابات مەكەن جايىندا ورنالاسقان ەرىكتىلەردىڭ فرونت-كەڭسەسى.
بايلانىس نومەرلەرى: (+7 747 821 64 78؛ +7 747 540 01 40).
قابىلداۋ پۋنكتىندە كەز كەلگەن كولەمدە زاتتار مەن العاشقى قاجەتتى ازىق-تۇلىكتەر قابىلدانادى. قازىرگى ۋاقىتتا گۋمانيتارلىق كومەككە ءبىرىنشى كەزەكتە قاجەت زاتتار:
- كورپەلەر، ۇيىقتايتىن سومكەلەر؛
- تىنىس الۋ ماسكالارى؛
- تەرموس، قول شامى، قۋاتتاۋىشتار؛
- جورگەكتەر، دىمقىل مايلىقتار، جەكە جانە ايەلدەر گيگيەناسى قۇرالدارى؛
- قاجەتتى ونىمدەر (كونسەرۆىلەر، پەچەنە جانە ت. ب.)؛
- ءبىر رەت قولدانىلاتىن ىدىس؛
- سۋ جانە ت. ب.
قابىلداۋ پۋنكتىنىڭ جۇمىس ۋاقىتى: ساعات 10:00-دەن 19:00-گە دەيىن. ەرىكتىلەر شتابىنىڭ جۇمىسىنا «قازاقستان ەرىكتىلەر ليگاسى» قق، «QAMQOR CHARITY» قق، «مەديسينا جاستارى» رقب جانە ت.ب. سياقتى ءىرى ەرىكتىلەر ۇيىمدارىنىڭ ەرىكتىلەرى جۇمىلدىرىلعان.