اكىمدەردىڭ ءجيى اۋىسۋى قازاقستان وڭىرلەرىن باسقارۋعا قالاي اسەر ەتەدى؟
قازاقستانداعى ءوڭىر باسشىلارىنىڭ ءجيى اۋىسۋى – ۇزاق جىلداردان بەرى قالىپتاسقان ساياسي ەرەكشەلىك. تاۋەلسىزدىك العاننان بەرى ەلىمىزدىڭ وڭىرلەرىن 150 اكىم باسقارىپ، ولار جالپى 198 رەت وسى قىزمەتكە تاعايىندالعان، - دەپ حابارلايدى Aqshamnews.kz ءتىلشىسى.
2025 جىلدىڭ قاراشاسىنداعى جاعداي بويىنشا، اكىمنىڭ ورتاشا قىزمەت ەتۋ مەرزىمى - 2 جىل 11 اي.
اكىمدەر قاي وڭىرلەردە ۇزاق جۇمىس ىستەيدى؟
قوستاناي وبلىسى - تۇراقتى كوشباسشىلىق
بۇل وڭىردە اكىمدەردىڭ ورتاشا قىزمەت ەتۋ ۇزاقتىعى 4 جىل 3 اي، بۇل - رەسپۋبليكا بويىنشا ەڭ جوعارى كورسەتكىش.
تومەن روتاسيا بايقالاتىن وڭىرلەر
باتىس قازاقستان وبلىسى (3 جىل 9 اي)
- كوپ جىلدىق تۇراقتىلىقتىڭ مىسالى - قابيبوللا جاقىپوۆتىڭ 8 جىلعا جۋىق باسشىلىق ەتۋى.
- سونداي-اق باقتىقوجا ىزمۇحامبەتوۆ پەن نۇرلان نوعايەۆ ءوڭىردى 4 جىلدان استام باسقارعان.
زەرتتەۋ كورسەتكەندەي، بقو كوپ جاعدايدا اكىمدەر ءۇشىن ەلوردادا جوعارى لاۋازىمعا جول اشاتىن "ترامپلينگە" اينالعان.
الماتى قالاسى (3 جىل 9 اي)
- ۆيكتور حراپۋنوۆ - 7 جىل 5 اي
- احمەتجان ەسىموۆ - 7 جىل 4 اي
- قالعان اكىمدەر 4 جىلدان اسپاي قىزمەت ەتكەن: مىسالى، باۋىرجان بايبەك - 3 جىل 10 اي.
قىزمەت تۇراقتىلىعى بايقالاتىن باسقا وڭىرلەر:
- اقتوبە وبلىسى
- الماتى وبلىسى
- اتىراۋ وبلىسى
- قىزىلوردا وبلىسى
بۇل وڭىرلەردە اكىمدەردىڭ ورتاشا مەرزىمى 3 جىل 5 ايدى قۇرايدى.
ەڭ ۇزاق قىزمەت ەتكەن اكىمدەر
150 اكىمنىڭ مانسابىن زەرتتەي وتىرىپ، بىرنەشە تۇلعانىڭ ەرەكشە ۇزاق قىزمەت ەتكەنىن بايقاۋعا بولادى:
- بەردىبەك ساپاربايەۆ - 18 جىل 2 اي
وڭتۇستىك قازاقستان، شىعىس قازاقستان، اقتوبە، جامبىل جانە تۋعان قىزىلوردا وبلىستارىن باسقارعان. ءابسوليۋتتى رەكورد. - دانيال احمەتوۆ - 17 جىل 2 اي
پاۆلودار، سولتۇستىك قازاقستان جانە شىعىس قازاقستان وبلىستارىن ەكى كەزەڭمەن باسقارعان تاجىريبەلى مەملەكەتتىك قايراتكەر. - سەرگەي كۋلاگين - 16 جىل 2 اي
روتاسيا ءجيى بولاتىن وڭىرلەر
تۇركىستان وبلىسى - انتيليدەر
اكىمدەردىڭ ورتاشا قىزمەت ەتۋ مەرزىمى - 2 جىل 7 اي.
ماڭعىستاۋ وبلىسى
ورتاشا مەرزىم - 2 جىل 7 اي، بۇل دا جوعارى كادرلىق وزگەرىستەر بار ەكەنىن كورسەتەدى.
شىعىس قازاقستان وبلىسى
بۇل وڭىردە دە اكىمدەر ورتا ەسەپپەن 2 جىل 7 اي عانا وتىرادى.
استانا قالاسى
ەلوردادا اكىمدەردىڭ ورتاشا مەرزىمى - 2 جىل 9 اي، بۇل رەسپۋبليكالىق ورتا كورسەتكىشتەن تومەن.