پاكىستاندا 17 جاستاعى زاين الي ەسىمدى جاسوسپىرىمگە ءوز وتباسىنىڭ مۇشەلەرىن اتىپ ولتىرگەنى ءۇشىن 100 جىلعا باس بوستاندىعىنان ايىرۋ جازاسى تاعايىندالدى، دەپ حابارلايدى اqshamnews.kz ءتىلشىسى.
قاندى وقيعا 2021 جىلى لاحور قالاسىنىڭ كاحنا اۋدانىندا بولعان. ول كەزدە ايىپتالۋشى نەبارى 14 جاستا ەدى. تەرگەۋ دەرەكتەرىنە سايكەس، ءجاسوسپىرىم كومپيۋتەرلىك PUBG ويىنىنا قاتتى اۋەستەنىپ كەتكەن.
اناسى ويىنعا تاۋەلدىلىگى ءۇشىن ۇلىنا ەسكەرتۋ جاساعان سوڭ، ءجاسوسپىرىم مىلتىق الىپ، 45 جاستاعى اناسىن، 20 جاستاعى اعاسى تايمۋردى، 15 جاستاعى اپكەسى ماحنۋردى جانە 10 جاستاعى قارىنداسى دجانناتتى اتىپ تاستاعان.
لاحور سوتى ءاربىر قىلمىس ءۇشىن 25 جىلدان، جالپى 100 جىلعا باس بوستاندىعىنان ايىرۋعا ۇكىم شىعاردى. سوت ونىڭ جاسىن ەسكەرىپ، ءولىم جازاسىن قولدانبادى.
ءىس بارىسىندا قىلمىسقا باستى سەبەپ رەتىندە كومپيۋتەرلىك ويىنعا تاۋەلدىلىك كورسەتىلدى.