الماتىدا قالا اكىمى دارحان ساتىبالدىنىڭ توراعالىعىمەن، قالالىق ارداگەرلەر كەڭەسىنىڭ پرەزيديۋمى مۇشەلەرىنىڭ قاتىسۋىمەن قارتتار كۇنىنە وراي كەزدەسۋ ءوتتى، - دەپ حابارلايدى اqshamnews.kz ءتىلشىسى.
اكىم ارداگەرلەردى مەرەكەمەن قۇتتىقتاپ، ولاردىڭ ەڭبەگىنە، تاجىريبەسىنە جانە قۇندىلىقتارعا ادالدىعىنا زور ريزاشىلىعىن ءبىلدىردى.
«ءبىزدىڭ قوعامدا اعا بۋىنعا دەگەن شىنايى قۇرمەت – جاي عانا ءداستۇر ەمەس، مادەنيەتىمىز بەن ۇلتتىق سانامىزدىڭ ماڭىزدى بولىگى»، – دەدى دارحان ساتىبالدى.
اكىمنىڭ ايتۋىنشا، ارداگەرلەر – باعا جەتپەس ومىرلىك تاجىريبەنىڭ يەلەرى، ولار رۋحىنىڭ مىقتىلىعىمەن ۇلگى بولاتىن جاندار.
«سىزدەردىڭ ەڭبەك پەن توزىمدەرىڭىزدىڭ جانە سەنىمدەرىڭىزدىڭ ارقاسىندا الماتى دا، بۇكىل قازاقستان دا بۇگىن ماقتان تۇتار دەڭگەيگە جەتتى. ءبىز سىزدەر باستاعان ءىستى جالعاستىرىپ، جەتكەن جەتىستىكتى ەسەلەپ، جاڭا دامۋ كوكجيەگىن اشىپ كەلەمىز»، – دەپ اتاپ ءوتتى قالا باسشىسى.
دارحان ساتىبالدى قارتتاردى الەۋمەتتىك قولداۋعا ارنالعان ءىس-شارالار تۋرالى كەڭىنەن ايتتى. 2022 جىلدان بەرى الماتىدا «بەلسەندى ۇزاق ءومىر» جوباسى تابىستى جۇزەگە اسۋدا. ونىڭ اياسىندا قۇرىلعان بەلسەندى ۇزاق ءومىر ءسۇرۋ ورتالىعى جىلىنا 500 مىڭعا دەيىن قىزمەت كورسەتەدى.
سونىمەن قاتار، «التىن جاس» باعدارلاماسى جۇمىس ىستەپ تۇر. ول زەينەتكەرلەرگە ءۇش جىل مەرزىمگە جۇمىسقا ورنالاسۋعا مۇمكىندىك بەرەدى. جالاقىنىڭ ءبىر بولىگى جەرگىلىكتى بيۋدجەت ەسەبىنەن تولەنەدى. وسىنىڭ ارقاسىندا 1 مىڭنان استام ادام تۇراقتى جۇمىسقا ورنالاستى.
قالالىق ارداگەرلەر كەڭەسىن قولداۋ ءۇشىن ىشكى ساياسات باسقارماسى ارقىلى ءۇش جىلدىق جوبا جۇزەگە اسىرىلۋدا، سونداي-اق قىزمەتتىك اۆتوكولىك ماسەلەسى شەشىلدى. مىڭعا جۋىق قاريا ساناتوريي-كۋرورتتىق ەمدەلۋگە مۇمكىندىك الدى.
اكىم قارت تۇرعىنداردى الەۋمەتتىك جانە مەديسينالىق قىزمەتپەن ساپالى قامتاماسىز ەتۋ باستى مىندەت ەكەنىن اتاپ ءوتتى.
«ارداگەرلەرىمىزدى قولداۋ، ولارعا لايىقتى ءومىر ءسۇرۋ جاعدايىن جاساۋ – قوعامداعى ابىرويلى ورنىن قامتاماسىز ەتۋ – ءبىزدىڭ قاسيەتتى بورىشىمىز»، – دەدى دارحان ساتىبالدى.
مەگاپوليس باسشىسى جاۋاپتى باسقارمالار مەن اۋدان اكىمدەرىنە قارتتار ايىنىڭ اياسىندا مادەني، سپورتتىق جانە ءبىلىم بەرۋ ءىس-شارالارىن كۇشەيتۋدى، ارداگەرلەر كەڭەسىمەن ءوزارا ءىس-قيمىلدى نىعايتۋدى تاپسىردى.