نۇرلان ءابدىراحىم الماتى قالاسى اكىمىنىڭ ورىنباسارى قىزمەتىنە كىرىستى، - دەپ حابارلايدى اqshamnews.kz ءتىلشىسى. ول بۇل لاۋازىمدا دەنساۋلىق ساقتاۋ، جۇمىسپەن قامتۋ جانە الەۋمەتتىك باعدارلامالار سالالارىنا جەتەكشىلىك ەتەدى.
جاڭا قىزمەتكە دەيىن نۇرلان ءابدىراحىم 2023 جىلدىڭ ساۋىرىنەن باستاپ الماتى وبلىسى اكىمىنىڭ ءبىرىنشى ورىنباسارى بولىپ جۇمىس ىستەگەن.
ءابدىراحىم «قاينار» ۋنيۆەرسيتەتىن جانە قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ مەملەكەتتىك ساياسات ۇلتتىق مەكتەبىن ءتامامداعان. ءبىلىمى بويىنشا زاڭگەر، سونداي-اق ساياساتتانۋ سالاسىندا الەۋمەتتىك عىلىمدار ماگيسترى دارەجەسىنە يە.
ەڭبەك جولىن 2001 جىلى «استاناەنەرگوسەرۆيس» اشىق اكسيونەرلىك قوعامىندا ابونەنتتىك ۋچاسكە باقىلاۋشىسى رەتىندە باستاعان. كەيىن ق ر ادىلەت مينيسترلىگىندە ءتۇرلى لاۋازىمداردا قىزمەت اتقارىپ، جەتەكشى ماماننان دەپارتامەنت ديرەكتورىنا دەيىن كوتەرىلگەن، سونداي-اق زياتكەرلىك مەنشىك كوميتەتىنىڭ ءتوراعاسى بولعان.
سونىمەن قاتار ول ق ر پرەزيدەنتى اكىمشىلىگىندە مەملەكەتتىك ينسپەكتور جانە ءبولىم مەڭگەرۋشىسىنىڭ ورىنباسارى قىزمەتتەرىن اتقارعان. مەملەكەتتىك قىزمەتتەگى ەڭبەگى ءۇشىن «قۇرمەت» وردەنىمەن جانە مەرەيتويلىق مەدالدارمەن ماراپاتتالعان.