پرەزيدەنت مەملەكەتتىك قىزمەتشىلەر جانە بيۋدجەتتىك قىزمەتكەرلەردىڭ ءبىر كۇندىك جالاقىسىن «قازاقستان حالقىنا» قورىنا اۋدارۋى تۋرالى پىكىر ءبىلدىرىپ، ونىڭ «مۇلدەم قاجەتسىز باستاما» ەكەنىن ايتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«ۇندەۋىمدى قولداپ، «قازاقستان حالقىنا» قورىنا قاراجات اۋدارىپ جاتقاندارعا العىس بىلدىرەمىن. بۇل يگى جانە دەر كەزىندە جاسالعان ارەكەتتەر ەڭ جوعارى باعاعا لايىق. ءبىراق بۇل جەردە فورماليزم مۇلدەم بولماۋى كەرەك. مەملەكەتتىك قىزمەتشىلەردەن، بيۋدجەتتىك قىزمەتكەرلەردەن ءبىر كۇندىك جالاقى جينالا باستادى. بۇل مۇلدە قاجەتسىز باستاما»، - دەدى توقايەۆ.
سونداي-اق پرەزيدەنت قور بيۋدجەتتىك قور ەمەس ەكەنىن مالىمدەدى.
«بۇل - قازاقستان حالقىنىڭ قورى. سوندىقتان ونىڭ جۇمىسىن بيۋروكراتيالىق پروسەدۋراسىز قۇرۋ كەرەك. بۇل جۇمىس تولىق اشىق بولادى. بارلىق ءىرى كومپانيا پايدالى قايىرىمدىلىق قىزمەتپەن اينالىساتىن قورعا ۇكىمەت بەلگىلەگەن سالىق كىرىسىنىڭ پايىزىن ەنگىزەدى. بيزنەس قاۋىمداستىق بۇل باستامانى شىن جۇرەكتەن قولدايدى جانە قورعا جوبانى جۇزەگە اسىرۋعا كومەكتەسەدى دەپ سەنەمىن»، - دەدى مەملەكەت باسشىسى.
ايتا كەتەيىك، 2022 جىلعى 16-19 قاڭتار ارالىعىندا (قوسا العاندا) قوعامدىق قورعا 16 167 قازاقستاندىقتان 29،3 ميلليون تەڭگە، 75 زاڭدى تۇلعا مەن ءىرى بيزنەسمەندەردەن 19،2 ميلليارد تەڭگە تۇسكەن.