ەلىمىزدە ەندى قانداي ساياسات جۇرگىزىلەتىنى تۋرالى ايتىلدى

قازاقستاندا ساياسي ترانسفورماسيا جانە قوعامدى جاڭعىرتۋ ساياساتى جالعاسادى.

بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى Almaty-akshamy.kz

«بيلىك پەن بيزنەستىڭ سىندارلى ءوزارا ءىس قيمىلى الەۋمەتتىك تۇراقتىلىقتىڭ مىعىم نەگىزىن قۇرادى. ال ول ءوز كەزەگىندە ەكونوميكالىق، سونىمەن قاتار ساياسي رەفورمالاردى ءساتتى جۇزەگە اسىرۋ ءۇشىن ماڭىزدى شارت سانالادى»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.

ق ر پرەزيدەنتى ساياسي ترانسفورماسيا جانە قوعامدى جاڭعىرتۋ باعىتى جالعاساتىندىعىن باسا ايتتى.

«تاياۋدا ساياسي ترانسفورماسيانىڭ ماگيسترالدى باعدارىنان ەش اۋىتقۋ بولمايتىنىن مالىمدەگەن ەدىم. مەن مەملەكەت باسشىسى رەتىندە ساياسي ترانسفروماسيا جانە قوعامىمىزدى جاڭعىرتۋ ساياساتىن جالعاستىرا بەرەتىن بولامىن. سوندىقتان ەكونوميكالىق رەفورمالار باعدارلامالارىمەن بىرلەسىپ جۇمىس ىستەۋ قاجەت. رەفورما باعىتى بەرىلدى. نارىقتىق الەۋمەتتىك باعدارلانعان جانە ءارتاراپتاندىرىلعان ەكونوميكاعا كوشۋ كەرەك»، - دەپ اتاپ ءوتتى قاسىم-جومارت توقايەۆ.