ق ر پرەزيدەنتى قاسىم-جومارت توقايەۆ بيزنەس قوعامداستىقتى جاڭا ەكونوميكالىق ساياسات قالىپتاستىرۋدا بىرلەسكەن جۇمىس باستاۋعا شاقىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«پاراقتى اۋدارىپ، جاڭا قازاقستاننىڭ نەگىزىنە اينالۋى ءتيىستى جاڭا ەكونوميكالىق ساياسات قالىپتاستىرۋدا بىرلەسكەن جۇمىس باستاۋ قاجەت»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.
ق ر پرەزيدەنت جاڭا ەكونوميكالىق ساياساتتىڭ نەگىزگى پرينسيپتەرى ادال باسەكەلەستىك، قابىلدانعان شەشىمدەردىڭ اشىقتىعى، مەملەكەتتىك ساياساتتىڭ بولجامدىلىعى، بيزنەستىڭ سالىقتىق ادالدىعى، كاسىپكەرلەردىڭ الەۋمەتتىك جاۋاپكەرشىلىگى ەكەندىگىن باسا ايتتى.
«الەۋمەتتىك-ەكونوميكالىق رەفورمالاردى تابىستى جۇزەگە اسىرۋعا ءدال وسى ءىرى بيزنەس، ءبىزدىڭ بۋرجۋازيا مۇددەلى ەكەندىگىنە تۇبەگەيلى سەنىمدىمىن. سوندىقتان دا ەلدىڭ ءدال وسى بيزنەس ەليتاسىنىڭ جوعالتىپ الارى بار. ءبىراق، سونىمەن قاتار ءوز ءىسىن ودان ارى كەڭەيتۋ ءۇشىن دە جاقسى مۇمكىندىكتەر بار»، - دەپ اتاپ ءوتتى قاسىم-جومارت توقايەۆ.