قازاقستان كەيىنگى جىلدارى سان عاسىرلىق تاريحي مۇرامىزدى عىلىمي تۇرعىدان زەردەلەۋ جانە دارىپتەۋ جولىندا ءبىراز جەتىستىككە جەتتى. بۇل تۋرالى مەملەكەت باسشىسى قاسىم-جومارت توقايەۆ قىزىلوردا قالاسىندا ءوتىپ جاتقان ۇلتتىق قۇرىلتايدىڭ V وتىرىسىندا ايتتى، - دەپ حابارلايدى Aqshamnews.kz
بيىل كوكتەمدە جوشى حان تۋرالى دەرەكتى ءفيلمدى ءتۇسىرۋ جۇمىستارى اياقتالادى. مەن وسى اۋقىمدى جوبانىڭ باستالعانى تۋرالى اتىراۋدا وتكەن قۇرىلتاي وتىرىسىندا ايتتىم. كوپ سەريالى ءفيلمنىڭ تۇساۋكەسەرى بەدەلدى حالىقارالىق پلاتفورمالاردا وتەدى.
بۇل تۋىندى التىن وردا برەندىن جەر جۇزىنە دارىپتەۋگە ىقپال ەتەدى. ءبىراق، وسىنداي تاريحي تاقىرىپقا كەلگەندە تارتىمدى كورنەكى، ياعني ۆيزۋالدى بەينە جاساۋدان بولەك، الدىمەن ونىڭ ىشكى مازمۇنى، ءمان-ماعىناسى تەرەڭ بولۋىن ويلاستىرۋ قاجەت.
سوندىقتان مەنىڭ تاپسىرماممەن مامىر ايىندا التىن وردا تاريحىنا ارنالعان حالىقارالىق سيمپوزيۋم ۇيىمداستىرىلادى. ءىس-شاراعا الەمنىڭ بەدەلدى عالىمدارى شاقىرىلادى"، - دەدى پرەزيدەنت.