پرەمەر-مينيستر پوەزداردىڭ كەشىگۋى ماسەلەسى بويىنشا تۇرعىنداردىڭ وتىنىشتەرىنە قتج باسشىلىعىنىڭ نازارىن اۋداردى، دەپ حابارلايدى aqshamnews.kz
ۇكىمەت وتىرىسىندا پرەمەر-مينيستر ولجاس بەكتەنوۆ جولاۋشىلار پويىزدارىنىڭ كەشىگۋى تۋرالى ماسەلەنى كوتەردى. ازاماتتاردىڭ تەمىرجول كولىگىنىڭ ۋاقتىلى كەلمەگەنى تۋرالى وتىنىشتەرى كوبەيگەنى بايقالىپ وتىر.
«قازاقستان تەمىر جولى» ۇك» اق باسقارما ءتوراعاسى نۇرلان ساۋرانبايەۆ جاعدايدىڭ ەرەكشە باقىلاۋدا ەكەنىن جانە كەشىگۋلەردىڭ تەمىرجولداردىڭ اعىمداعى جوندەۋ جۇمىستارىنا بايلانىستى ەكەنىن اتاپ ءوتتى.
«بۇل جاعداي جولداردى جوندەۋمەن جانە جولاۋشىلاردىڭ قاۋىپسىزدىگىمەن بايلانىستى. سوڭعى 2 جىلدا جوندەۋ جۇمىستارىنىڭ كولەمىن 2-3 ەسەگە ارتتىردىق. جولاۋشىلار الدىنداعى قولايسىزدىقتار ءۇشىن كەشىرىم سۇرايمىز»، — دەپ ءتۇسىندىردى نۇرلان ساۋرانبايەۆ.
سونداي-اق، نۇرلان ساۋرانبايەۆ كومپانيانىڭ اتقارىپ جاتقان جۇمىستارى تۋرالى بايانداپ، تاۋارالار مەن قىزمەتتەردەگى قازاقستاندىق قامتۋدىڭ 85%-دى قۇرايتىنىن، ال كونتەينەرلىك ترانزيتتىك تاسىمالدىڭ تۇراقتى ءوسۋىن اتاپ ءوتتى. سوڭعى 3 جىلدا جۇك تاسىمالىنىڭ كولەمى 30%-عا ارتتى.