قىزىلوردا وبلىستىق ۇيىمداسقان قىلمىسپەن كۇرەس باسقارماسىنىڭ باستىعى پارا الدى دەگەن كۇدىككە ءىلىندى، دەپ حابارلايدى aqshamnews.kz.
ول ەكى ميلليون تەڭگە كولەمىندە پارا الۋى مۇمكىن دەگەن كۇدىككە ىلىككەن. پارانى جاۋاپقا تارتىلعان ازاماتتىڭ جازاسىن جەڭىلدەدۋ ماقساتىندا العان بولۋى مۇمكىن.
ۇلتتىق قاۋىپسىزدىك كوميتەتىنىڭ جانە وبلىستىق پوليسيا دەپارتامەنتىنىڭ قىزمەتكەرلەرى كۇدىكتىنى تۇتقىنداپ، تەرگەۋ امالدارىن جۇرگىزۋدە.
«ۇقك قىزمەتكەرلەرى جانە پوليسيانىڭ ىشكى قاۋىپسىزدىك باسقارماسى بىرلەسىپ، قۇقىققا قايشى ارەكەتتەردى جاساعان پوليسيا قىزمەتكەرىن ۇستاپ، تەرگەۋ امالدارىن جۇرگىزدى»، — دەپ مالىمدەدى قىزىلوردا وبلىسىنىڭ پوليسيا دەپارتامەنتى.
كۇدىكتى قۇقىق قورعاۋ ورگاندارىنان ءقازىردىڭ وزىندە جۇمىستان شىعارىلعان.