پرەمەر-مينيستر عىلىمدى دامىتۋ جانە سيفرلاندىرۋ بويىنشا ءبىرقاتار تاپسىرما بەردى
عىلىم جانە جوعارى ءبىلىم مينيسترلىگى مۇددەلى مەملەكەتتىك ورگاندارمەن بىرلەسىپ، عىلىمي ينستيتۋتتار مەن يننوۆاسيالىق وندىرىستەردىڭ اۋماقتىق شوعىرلانۋىن ەسكەرە وتىرىپ، عىلىمي قالاشىقتار قۇرۋ تۇجىرىمداماسىن ازىرلەۋى ءتيىس.
اكىمدىكتەر ۇلتتىق ەكونوميكا، عىلىم جانە جوعارى ءبىلىم، قارجى مينيسترلىكتەرىمەن بىرلەسىپ، وڭىرلەر بولىنىسىندە عىلىمدى دامىتۋ جونىندەگى كورسەتكىشتەر مەن ءىس-شارالاردىڭ دەكومپوزيسيالاۋ جۇمىسىن جۇرگىزۋى قاجەت.
«ءاربىر اكىمدىك عىلىمي-تەحنولوگيالىق سەسسيالار وتكىزىپ، وڭىرلىك عىلىمدى دامىتۋ جونىندە كەشەندى شارالار قابىلداۋى ءتيىس»،
— دەپ اتاپ ءوتتى ولجاس بەكتەنوۆ.
عىلىم جانە جوعارى ءبىلىم، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرى وسى جىلدىڭ سوڭىنا دەيىن بارلىق عىلىمي جوبالاردىڭ، گرانتتاردىڭ، زەرتتەۋ ناتيجەلەرى مەن جاريالانىمدار دەرەكقورلارىن ينتەگراسيالاۋ ءۇشىن سيفرلىق عىلىم پورتالىن ىسكە قوسسىن. يننوۆاسيالىق جوبالاردى، عىلىمي زەرتتەۋلەر مەن ازىرلەمەلەردى جەدەلدەتىپ ەنگىزۋ ءۇشىن جاساندى ينتەللەكت تەحنولوگيالارىن پايدالانۋ قاجەتتىگى اتاپ ءوتىلدى.