بىلتىر قاراشا ايىنان باستاپ ىسكە قوسىلعان Neo Nomad ۆيزاسىن تاعى بەس شەتەلدىك ازامات الدى. ونىڭ ۇشەۋى - اقش، بىرەۋى ۇلىبريتانيا جانە تاعى بىرەۋى لاتۆيا ازاماتى، دەپ حابارلايدى aqshamnews.kz
Neo Nomad ۆيزاسى شەتەلدىك ازاماتتارعا قازاقستاندا ءبىر جىلعا دەيىن تۇرۋعا مۇمكىندىك بەرەدى. بۇل رەتتە ولار شەتەلدەگى كومپانيالاردا قاشىقتان جۇمىس ىستەي الادى. ۆيزا IT، ماركەتينگ، قارجى، ديزاين جانە كونسالتينگ سالالارىنداعى جۇمىسىن ساياحاتپەن ۇشتاستىراتىن زاماناۋي كوشپەندىلەرگە ارنالعان. ول ءۇشىن شەتەلدىك ازاماتتار قازاقستان رەسپۋبليكاسىنىڭ شەتەلدەگى ەلشىلىكتەرىنە بىرنەشە قۇجات تاپسىرۋ قاجەت:
- كەيىنگى 6 ايداعى بانك شوتىنان ءۇزىندى كوشىرمە، اي سايىنعى تابىسى 3 000 اقش دوللارىنان جوعارى ەكەنىن راستايتىن قۇجات
- ازاماتتىعى بار ەلدىڭ ۋاكىلەتتى ورگانى بەرگەن سالىق دەكلاراسياسى
- ازاماتتىعى نەمەسە تۇراقتى مەكەنجايى بار ەلدىڭ ورگانى بەرگەن سوتتالماعانى تۋرالى انىقتاما
- ۆيزانىڭ قولدانىلۋ مەرزىمىنە دەيىن جارامدى مەديسينالىق ساقتاندىرۋ
- قازاقستانداعى تۋريستىك كومپانيالاردان شاقىرۋ (48 ەلدىڭ ازاماتى ءۇشىن تالاپ ەتىلمەيدى)
ەستەرىڭىزگە سالا كەتەيىك، بۇعان دەيىن Neo Nomad ۆيزاسىن ءۇش شەتەلدىك تۋريست العان ەدى. ۆيزانى ءبىرىنشى بولىپ ەنەرگەتيكا سالاسىندا جۇمىس ىستەيتىن ۇلىبريتانيا ازاماتى يەلەندى. سونداي-اق ۆيزالار وڭتۇستىك كورەيا جانە سينگاپۋر ازاماتتارىنا بەرىلدى.