نولدىك توزىمدىلىك – ۇساق قۇقىق بۇزۋشىلىقتارعا تەرىس رەاكسيا.
مىسالى، بۇل تۇرمىستىق زورلىق-زومبىلىق، ۇساق بۇزاقىلىق، تىنىشتىقتى بۇزۋ، قوعامدىق ورىنداردا الكوگول ءىشۋ، ءتىپتى قوقىستاردى تاستاۋ بولۋى مۇمكىن.
ءىىم اتاپ وتكەندەي، نەگىزگى اكىمشىلىك قۇقىق بۇزۋشىلىقتاردىڭ الدىن الۋ بويىنشا جۇمىستىڭ تيىمدىلىگىن تەكسەرۋ ماقساتىندا تالداۋ جۇرگىزىلدى. ۆەدومستۆونىڭ مالىمەتىنشە، تالداۋ قاعيداتى سىنعان تەرەزەلەر تەورياسىنا ۇقساس – پوليسيا بۇل بۇزۋشىلىقتاردى نەعۇرلىم بەلسەندى انىقتاسا، قوعام سوعۇرلىم ءتارتىپتى بولادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ال تارتىپسىزدىك نەعۇرلىم از بولسا، ءتارتىپتى بۇزۋعا دەگەن ۇمتىلىس سوعۇرلىم از بولادى. بۇل قاعيدا كۇن سايىن جاسالاتىن قۇقىق بۇزۋشىلىقتاردى انىقتاۋعا ارنالعان. مىسالى، وتكەن جىلدىڭ باسىنان باستاپ بۇكىل ەل بويىنشا، اسىرەسە استانا، الماتى جانە قاراعاندى وبلىستارىندا قۇقىق بۇزۋشىلىقتاردى انىقتاۋ جانە جولىن كەسۋ بويىنشا پوليسيانىڭ جۇمىس بەلسەندىلىگىنىڭ ارتۋى بايقالادى.
ۇساق بۇزاقىلىق، تىنىشتىقتى بۇزۋ، رۇقسات ەتىلمەگەن ورىنداردا تەمەكى شەگۋ جانە اباتتاندىرۋ ەرەجەلەرىن بۇزۋ بويىنشا فاكتىلەردىڭ تىركەلۋى كوبەيدى. ال قوعامدىق ورىنداردا الكوگولدى ءىشۋ جانە قوقىستى شىعارۋ فاكتىلەرى ازايدى. وتكەن جىلدىڭ 11 ايىندا “نولدىك توزىمدىلىك” اياسىندا 614 مىڭ اكىمشىلىك قۇقىق بۇزۋشىلىق انىقتالدى، ونىڭ ىشىندە 16 مىڭ ۇساق بۇزاقىلىق فاكتىسى، 87 مىڭى – تىنىشتىقتى بۇزۋ، قوعامدىق ورىنداردا الكوگول ءىشۋ – 170 مىڭ، تەمەكى شەگۋگە تىيىم سالۋدى بۇزۋ – 16 مىڭ، اباتتاندىرۋ ەرەجەسىن بۇزۋ – 203 مىڭ، قوقىس تاستاۋ – 119 مىڭ. كەز كەلگەن قۇقىق بۇزۋشىلىققا توزبەۋشىلىك – قوعامدىق قاۋىپسىزدىكتى نىعايتۋعا باعىتتالعان ماڭىزدى قادام.
وسىعان بايلانىستى پوليسەيلەر قازاقستاندىقتاردى وزدەرىنىڭ ازاماتتىق ۇستانىمدارىن كورسەتۋگە، زاڭدى بۇزباۋعا، سونداي-اق كەز كەلگەن قۇقىق بۇزۋشىلىقتى بايقاپ قالسا، بۇل تۋرالى “102”-گە حابارلاۋعا شاقىرادى.
اقپارات كوزى Polisia.kz سايتىندا: https://polisia.kz/politsejler-noldik-tozimdilik-qaghidaty-turaly-eske-salady/