قازاقستاندا بالالارعا ءجيى قويىلاتىن ەسىمدەر قانداي؟

ۇلتتىق ستاتيستيكا بيۋروسىنىڭ مالىمەتى.

بيىل تۋعان نارەستەلەرگە ەڭ كوپ قويىلعان ەسىمدەر بىلتىرعىدان ايتارلىقتاي وزگەرە قويعان جوق، دەپ حابارلايدى Almaty-akshamy.kz

ۇلتتىق ستاتيستيكا بيۋروسىنىڭ باسپا ءسوز قىزمەتى العاشقى وندىققا كىرگەن ەسىمدەرمەن تانىستىردى.

2023 جىلى جاڭا تۋعان نارەستەلەرگە ەڭ كوپ قويىلعان ەسىمدەر 2022 جىلمەن سالىستىرعاندا ايتارلىقتاي وزگەرىسكە ۇشىراعان جوق. قىزدارعا ەڭ ءجيى قويىلعان 10 ەسىم ءتىزىمى وزگەرىسسىز قالسا، ۇلدار اراسىندا حامزا ەسىمى رامازان ەسىمىن ىعىستىرىپ، العاشقى وندىققا كىردى.

2023 جىلدىڭ تانىمال 10 ەسىمى

اليحان، ومار، امير، الديار، ايسۇلتان، الان، الي، نۇريسلام، مۋحامماد، حامزا

مەدينا، ايشا، ايلين، اسىلىم، سافيا، توميريس، رايانا، امينا، ايالا، ايىم.

اتالعان ءتىزىمدى 2013 جىلمەن سالىستىراتىن بولساق، اليحان، امير جانە نۇريسلام ەسىمدەرى ۇلدار اراسىندا ءالى دە تانىمال. قىزدار اراسىندا ايشا مەن امينا ەسىمدەرى سوڭعى ون جىلداعى ءالى دە ءجيى قويىلاتىن ەسىمدەر قاتارىندا.

2013 جىلدىڭ تانىمال 10 ەسىمى

ەراسىل، اليحان،سانجار، نۇراسىل، ميراس، ارتەم، نۇريسلام، امير، ارسەن، رامازان

ايزەرە، ايارۋ، كاۋسار، ءىنجۋ، ايشا، ارۋجان، اياۋلىم، امينا، ىڭكار، ديانا.