بيىل ۇلتىمىزدىڭ ۇلى پەرزەنتى، قازاقستانداعى گەولوگيا عىلىمىنىڭ نەگىزىن قالاۋشى، مەملەكەت جانە قوعام قايراتكەرى قانىش ساتبايەۆتىڭ تۋعانىنا 125 جىل تولادى.
ول گەولوگ قانا ەمەس، ادەبيەتشى، تاريحشى، ەتنوگراف، ماتەماتيك، پەداگوگ تە بولدى. قازاق جەرىنىڭ بايلىعىن بۇكىل الەمگە تانىتىپ، عىلىمىنىڭ دامۋىنا داڭعىل جول سالىپ كەتتى، دەپ حابارلايدى اlmaty-akshamy.kz 24.kz-كە سىلتەمە جاساپ.
پرەزيدەنت قاسىم-جومارت توقايەۆتىڭ «ەگەمەن قازاقستان» گازەتىندەگى سۇحباتىندا ەل تاريحىندا ەرەكشە ورنى بار تۇلعالارعا قۇرمەت كورسەتۋ ءداستۇرىنىڭ ايرىقشا ماڭىزعا يە ەكەندىگى ايتىلعان. ايگىلى عالىمنىڭ مەرەيتويىنا وراي ەل كولەمىندە اۋقىمدى ءىس-شارالار جۇزەگە اسپاق.
جامبىل ارتىقبايەۆ، تاريح عىلىمدارىنىڭ دوكتورى، پروفەسسور: - قانىش يمانتاي ۇلى ساتبايەۆ – قازىرگى قازاق عىلىمىنىڭ نەگىزىن قالاعان، سونىڭ ىرگەتاسىن مىقتاپ بەكىتىپ بەرگەن ۇلى عالىمدارىمىزدىڭ ءبىرى. ارينە، ول العاشقى عالىم ەمەس قازاق تاريحىنداعى. قانىش يمانتاي ۇلىنىڭ شىققان ورتاسىنىڭ ءوزى عىلىمي ورتا بولاتىن. قانىش يمانتاي ۇلىنىڭ بۇكىل عۇمىرىن قازاق عىلىمىنا ارناۋى – زاڭدى قۇبىلىس. ەندى بۇگىنگى كۇنى قازاق جاستارىنا، قازاق ازاماتتارىنا ۇلگى بولاتىن تۇلعا قانداي دەسەك، وسى قانەكەڭدى ايتۋىمىز كەرەك. عىلىمنىڭ بەدەلىن، بەرەكەسىن كوتەرۋ ءۇشىن بىزگە قانىشتىڭ تۇلعاسى اسا ماڭىزدى.