پويىز بيلەتىنىڭ قۇنىن قالاي قايتارىپ الۋعا بولادى؟

بيلەتتى كاسسادان ساتىپ العان ادام تەك سول جەردەن كەرى وتكىزە الادى.

ەگەر بەلگىلى سەبەپتەرمەن رەيس توقتاتىلسا، بيلەت قۇنى 100% قايتارىلادى، دەپ حابارلايدى Almaty-akshamy.kz

24 ساعاتتىڭ ىشىندە قايتارىلعان بيلەتتىڭ قۇنى دا تولىق بەرىلەدى. ال بۇدان از ۋاقىتتا نەمەسە پويىز جونەلتىلگەنگە دەيىنگى التى ساعاتتان كەشىكتىرمەي قايتارىپ ۇلگەرگەن جاعدايدا بيلەت باعاسى مەن پلاسكارتتىڭ 50 پايىز اقشاسىن قايتارىپ الا الاسىز.

قالا ماڭىندا قاتىنايتىن پويىزدىڭ بيلەتىن وتكىزىپ، اقشانى قايتارۋعا بولادى. بيلەتتى پويىز جونەلتىلگەنگە دەيىن 24 ساعات ىشىندە قايتارعان جاعدايدا جولاۋشىعا تولىق جولاقى بەرىلەدى، ال 24 ساعاتتان از ۋاقىت ىشىندە، ءبىراق پويىز جونەلتىلگەننەن كەيىن ءبىر ساعاتتان كەشىكتىرىلمەگەن جاعدايدا جول ءجۇرۋ قۇنىنىڭ 70 پايىزى قايتارىلادى.

بيلەتتى كاسسادان ساتىپ العان ادام تەك سول جەردەن كەرى وتكىزە الادى. ول ءۇشىن جولاۋشى وزىمەن بىرگە جول ءجۇرۋ قۇجاتىن، جەكە كۋالىن الا كەلۋى كەرەك. ال ەلەكتروندىق بيلەتتەر بيلەت ساتىپ الىنعان سايتتاعى تۇتىنۋشىنىڭ جەكە كابينەتى ارقىلى قايتارىلادى.

قازاقستاندىقتار پويىز بيلەتى مەن جول ءجۇرۋ اقىسىن قايتارۋ ءۇشىن +7 (707) 270-36-64 تەلەفون ءنومىرى بويىنشا WhatsApp مەسسەندجەرى ارقىلى ءوتىنىش بەرە الادى. بۇل نومىردە وتىنىشتەر قابىلدانىپ، جەدەل وڭدەۋگە كومەكتەسەدى.