60 جىلدا العاش رەت اۋەجاي كولىنىڭ ءتۇبىن تازارتۋ، ودان ءارى اباتتاندىرۋ، جاياۋ جۇرگىنشىلەر كوپىرىنىڭ قۇرىلىس مەن تۇبىندەگى سۋ اعىزۋ جۇمىستارى جۇرگىزىلەدى.
وسى جىلدىڭ 2ء-شى توقسانىندا باۋم توعايىن رەكرەاسيالىق جانە جاعاجاي ايماقتارىن جايلاستىرۋ، جاياۋ جۇرگىنشىلەر كوپىرلەرىن جاڭارتۋمەن ۇلكەن الماتى كانالىن، سونداي-اق «كىشى الماتى» وزەنىنىڭ بويىنداعى جاياۋ-سەرۋەندەۋ ايماعىن (مايلين كوشەسىنەن قالا شەكاراسىنا دەيىن) اباتتاندىرۋ بويىنشا جوبالارىن دايىنداۋ اياقتالۋدا، دەپ حابارلايدى اlmaty-akshamy.kz.
وتكەن جىلى باعدارلاما شەڭبەرىندە 1،7 ملرد. تەڭگە سوماسىنا 81 جوبا ىسكە اسىرىلدى. 2024 جىلعا بولىنگەن سوما جاياۋ جۇرگىنشىلەر-سەرۋەندەۋ جانە پارك ايماقتارىن جايلاستىرۋ، جارىقتاندىرۋ جەلىلەرىن سالۋ جانە ت.ب. جاڭا جوبالاردى جۇزەگە اسىرۋ ءۇشىن 2 ملرد. تەڭگەگە دەيىن ۇلعايتىلدى. سونىمەن قاتار 2023 جىلى اۋداندا 10 نەگىزگى سۋ باسۋ ورنى جويىلىپ، 11 شاقىرىم جاڭا ارىق سالىندى، دەدى قالا اكىمى.
سونىمەن قاتار، وسى جىلى قوسىمشا تاعى 30،6 شاقىرىم نوسەر جۇيەسىن سالۋ جۇمىستارى جالعاستىرىلادى.