پىكىرلەرىن ورتاعا سالدى

مەملەكەت باسشىسى قاسىم-جومارت توقايەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حال­قىنا جولداۋىن ءتۇسىندىرۋ جۇمىستارى بويىنشا كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ ۇجىمى­مەن كەزدەستى.

الماتى قالاسى ءماسليحاتىنىڭ دەپۋتا­تى، قالالىق كارديولوگيا ورتالىعىنىڭ ديرەكتورى المات قوداسبايەۆ، الماتى قالا­سى ءماسليحاتىنىڭ دەپۋتاتى ءاسيا اقانوۆا جانە الماتى قالالىق قوعامدىق كەڭەس كو­ميسسياسىنىڭ مۇشەسى الەكساندر بەليانوۆ جانە كارديولوگيا جانە ىشكى اۋرۋلار عىلى­مي-زەرتتەۋ ينستيتۋتىنىڭ ۇجىمى مەن ب ا ق وكىلدەرى باس قوسقان ءىس-شارادا قوعامنىڭ ۇيلەسىمدى دامۋى ۇلتتىڭ دەنساۋلىعىن قام­تاماسىز ەتۋ شارتىمەن عانا مۇمكىن بولاتى­نى ءسوز بولدى.

– مەملەكەت باسشىسى ءوز جولداۋىندا ۇلت الەۋەتىن ارتتىرۋدا شەشۋشى ءرول ات­قاراتىن دەنساۋلىق سالاسىن دامىتۋ ماسە­لەسىنە ەرەكشە ءمان بەرىپ وتىر. «ەلىمىزدىڭ باستى قۇندىلىعى – ادام. بۇل – ايقىن نارسە. سوندىقتان ۇلتتىق بايلىقتى تەڭ ءبولۋ جانە بارشاعا بىردەي مۇمكىندىك بەرۋ – رەفورمانىڭ باستى ماقساتى. ۇلت ساۋلىعى جاقسى بولسا عانا، قوعام ورنىقتى داميدى»، – دەدى پرەزيدەنت. ياعني ءار ازا­ماتتىڭ دەنساۋلىعى ول – ۇلت جەتىستىگى. حالىق دەنساۋلىعىن ساقتاۋدىڭ نەگىزى رەتىن­دە قوعامدىق دەنساۋلىق ساقتاۋدى دامى­تىپ، حالىقتىڭ ساناسىنا دەنساۋلىقتىڭ ءقادىرىن ۇعىنۋدى ءسىڭىرىپ، اۋرۋلاردىڭ الدىن الۋعا ايرىقشا كوڭىل ءبولۋ كەرەك. حالىقارا­لىق ۇزدىك تاجىريبەلەرگە سۇيەنسەك، مەديسي­نانى دامىتۋدىڭ باستى جولى قوعامدىق دەنساۋلىق قىزمەتىن قالىپتاستىرۋ بولىپ تابىلادى، – دەدى ءماسليحات دەپۋتاتى ءاسيا اقانوۆا.

جالپى، قازاق كارديولوگيا عىلىمي-زەرت­تەۋ ينستيتۋتى 1977 جىلى جەلتوقسان ايىن­دا قۇرىلدى. 2001 جىلى ينستيتۋت كارديو­لوگيا جانە ىشكى اۋرۋلار عزي بولىپ قايتا قۇرىلىپ، كلينيكا كوپسالالى بولدى. بۇگىنگى تاڭدا «كارديولوگيا جانە ىشكى اۋرۋلار عزي» اق قازاقستانداعى كارديولوگيالىق، كارديوحيرۋرگيالىق جانە تەراپيەۆتىك قىز­مەتتەردىڭ فلاگمانى بولىپ تابىلادى، وندا ەلىمىزدىڭ بارلىق وڭىرلەرىنەن اۋىر جانە دياگنوستيكاسى قيىن اۋرۋلارمەن اۋىراتىن ناۋقاستارعا جوعارى بىلىكتى، مامانداندى­رىلعان، جوعارى تەحنولوگيالىق، ستاسيونار­دى الماستىراتىن جانە امبۋلاتوريالىق- ەمحانالىق مەديسينالىق كومەك كورسەتىلەدى. ينستيتۋتتا جاقىن جانە الىس شەتەلدەردە وقۋدان وتكەن جوعارى بىلىكتى ماماندار جۇ­مىس ىستەيدى، ونىڭ ىشىندە 12 مەديسينا عى­لىمىنىڭ دوكتورى، 2 PhD دوكتورى، 24 مەدي­سينا عىلىمىنىڭ كانديداتى، 8 دەنساۋلىق ساقتاۋ ماگيسترى جانە 101 جوعارى جانە ءبىرىنشى بىلىكتىلىك ساناتى بار دارىگەرلەر قىزمەت اتقارادى.

جيىنعا قاتىسۋشىلار مەديسينالىق قىزمەت كورسەتۋدىڭ قولجەتىمدىلىگى مەن ساپا­سى، دەنساۋلىق ساقتاۋ سالاسىنىڭ ماسەلەلەرى جانە ولاردى شەشۋ جولدارىن تالقىلاي كەلە، ءتۇسىندىرۋ جۇمىستارى بويىنشا ءوز پىكىرلەرىن ورتاعا سالدى.