كارىم ءماسىموۆتى قاماۋدا ۇستاۋ مەرزىمى تاعى ۇزارتىلدى

قىلمىستىق ىسكە «اسا قۇپيا» دەڭگەيى بەرىلگەن.

ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ پەن ونىڭ ورىنباسارلارىن قاماۋدا ۇستاۋ مەرزىمى ۇزارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«تەرگەۋ سوتى قاماۋدا بولۋ مەرزىمىن ك.ك. ءماسىموۆ پەن ا.ت. سادىقوۆقا 6 جەلتوقسانعا دەيىن، د.ە. ەرعوجينگە 13 جەلتوقسانعا دەيىن، م.س. وسيپوۆكە 22 جەلتوقسانعا دەيىن ۇزارتتى. ك.ماسىموۆكە قاتىستى ءىستى تەرگەۋ تامىز ايىندا اياقتالدى»، - دەلىنگەن رەسمي اقپاراتتا.

حابارلامادا ايتىلعانداي، ۇقك بۇرىنعى باسشىسىنا قاتىستى قىلمىستىق ىسكە «اسا قۇپيا» دەڭگەيى بەرىلگەن.

ەسكە سالساق، كارىم ءماسىموۆ 2016 جىلدان باستاپ 2022 جىلدىڭ قاڭتارىنا دەيىن ۇقك باسشىسى قىزمەتىن اتقاردى. بيىل قاڭتار ايىنىڭ باسىندا قاماۋعا الىندى.

ك. ماسىموۆكە ق ر قىلمىستىق كودەكستىڭ 175-بابى، 1-بولىگى («مەملەكەتكە ساتقىندىق»)، 179ء-بولىمى، 3-بولىگى («بيلىكتى كۇشپەن باسىپ الۋ») جانە 362ء-بولىمى، 4-بولىگى، 3-تارماعى («بيلىك پەن لاۋازىمدىق وكىلەتتىگىن اسىرا پايدالانۋ») بويىنشا ايىپ تاعىلدى.

كارىم ءماسىموۆتى قاماۋدا ۇستاۋ مەرزىمى وسىعان دەيىن بىرنەشە رەت ۇزارتىلعان بولاتىن. بۇعان دەيىن سوت سانكسياسى 2022 جىلدىڭ 6 ماۋسىمىنا دەيىن بەرىلگەن ەدى.

قىلمىستىق ءىستى تەرگەۋ تامىز ايىندا اياقتالدى.