1313 بالا، 247 جۇكتى جانە بالا ەمىزەتىن ايەلگە Pfizer ۆاكسيناسى سالىندى.
قازاقستاندىقتار Pfizer ۆاكسيناسى اقىلى تۇردە سالدىرا الادى. ۇكىمەت دەنساۋلىق ساقتاۋ مينيسترلىگىنىڭ ۇسىنىسىن قولدادى، دەپ حابارلايدى Almaty-akshamy.kz
دەنساۋلىق ساقتاۋ ءمينيسترى الەكسەي سوي ازاماتتاردى اقىلى تۇردە ۆاكسينالاۋ ءۇشىن Comirnaty (Pfizer) ۆاكسيناسىن كوممەرسيالىق نارىقتا ساتۋدى ۇسىندى. ۇكىمەت بۇل ۇسىنىستى قولدادى.
«ادامداردىڭ وزدەرىنىڭ تانداۋى بويىنشا قاجەت ۆاكسينانى اقىلى تۇردە الۋ مۇمكىندىگى بولۋى ءۇشىن ۆاكسينانى كوممەرسيالىق نارىق سەگمەنتىنە جەتكىزۋ مۇمكىندىگى تۋرالى ۇسىنىستى قولدايمىن»، – دەدى پرەمەر-مينيستر اسقار مامين ۇكىمەت وتىرىسىندا.
ول ءقازىر دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسىمەن ۆاكسينالاۋعا جاتاتىن ساناتتاعى ادامداردىڭ كوبەيىپ جاتقانىن اتاپ ءوتتى.
جۋىردا قازاقستانعا Pfizer ۆاكسيناسىنىڭ 379 مىڭ دوزاسى جەتكىزىلدى. ەكىنشى پارتيا 20 قاراشاعا دەيىن جەتكىزىلەدى.
ءقازىر بۇل پرەپاراتپەن ۆاكسينالاۋ 7 وڭىردە – جامبىل، قاراعاندى، قىزىلوردا، تۇركىستان وبلىستارى مەن الماتى، نۇر-سۇلتان، شىمكەنت قالالارىندا باستالدى.