پاۆلوداردا اقش-تاعى جارناما قوسىمشالارى رەتىندە كورسەتىلگەن TAKORP قارجى پيراميداسىن ۇيىمداستىرعاندارعا سوت ۇكىمى شىقتى، - دەپ حابارلايدى Aqshamnews.kz ءتىلشىسى.
TAKORP قارجى پيراميداسى يننوۆاسيالىق جارناما تەحنولوگيالارىنا باعىتتالعان اقش پلاتفورماسى رەتىندە تانىستىرىلعان. جوبانىڭ قاتىسۋشىلارىنا OKX كريپتوبيرجاسى ارقىلى كريپتوۆاليۋتا ساتىپ الۋ ارقىلى تىركەلۋ ۇسىنىلعان. نەگىزگى شارتتاردىڭ ءبىرى - كەمىندە 5 جاڭا سالىمشى تارتۋ. بۇل تالاپ ورىندالعان جاعدايدا "ب ا ق دوڭگەلەگىنە" قاتىسۋعا جانە باعالى سىيلىق ۇتىپ الۋعا مۇمكىندىك بەرىلگەن. 80-نەن اسا ازامات ۋادەلەرگە سەنىپ، 30-دان 500 اقش دوللارىنا دەيىن ينۆەستيسيا سالعان، كەيبىرى دەڭگەيىنە قاراي 2 مىڭ اقش دوللارىنا دەيىن بونۋس الامىز دەپ ۇمىتتەنگەن.
"قىلمىستىق جولمەن الىنعان تابىس 59 ملن تەڭگەدەن استى. پيراميدانى ناسيحاتتاۋ ماقساتىندا Zoom پلاتفورماسى ارقىلى بەينەكونفەرەنسيالار فورماتىندا جارناما جۇرگىزىلگەن. بۇل كەزدەسۋلەردىڭ نەگىزگى ماقساتى سالىمشىلاردىڭ ماتەريالدىق جاعدايىن جاقسارتۋ دەپ كورسەتىلگەنىمەن، شىن مانىندە جاڭا قاتىسۋشىلاردى تارتۋ بولعان"، - دەپ جازىلعان حابارلامادا.
قما مالىمەتىنشە، سالىمشىلاردىڭ قاراجاتىنا كۇدىكتىلەر پاۆلودار قالاسىنان پاتەر ساتىپ الىپ، ءتورت بانك دەپوزيتىن اشقان. بۇل مۇلىككە سوت سانكسياسىمەن تىيىم سالىندى.
سوت قارجى پيراميداسىن ۇيىمداستىرۋشىلاردى 1 جىل 6 ايدان 7 جىلعا دەيىن باس بوستاندىعىنان ايىرۋ جازاسىنا كەستى. سوت ۇكىمى زاڭدى كۇشىنە ەنگەن جوق.