قازاقستاندا “ءقاۋىپسىز جول” رەسپۋبليكالىق ءىس-شاراسى باستالدى. ماقساتى – جول قاۋىپسىزدىگىن قامتاماسىز ەتۋ دەڭگەيىن ارتتىرۋ، جول-كولىك وقيعالارىنىڭ الدىن الۋ، جقە كەز كەلگەن بۇزۋشىلىقتارىنا “مۇلدەم توزبەۋشىلىك” قاعيداتىن نىعايتۋ، دەپ حابارلايدى almaty-akshamy.kz
پاترۋلدىك پوليسيا بۇگىننەن باستاپ كۇشەيتىلگەن جۇمىس رەجيمىنە كوشتى. رەسپۋبليكالىق جولداردا دا قىزمەت كۇشەيتىلدى. ءىس-شارا كەزىندە كۇن سايىن جول قاۋىپسىزدىگىن 7 مىڭنان استام پاترۋلدىك پوليسيا قامتاماسىز ەتەدى، ونىڭ ىشىندە 1،5 مىڭنان استام پوليسەي – قالا سىرتىنداعى اۆتوجولداردا.
وسى كۇندەرى قاۋىپسىزدىك بەلدىكتەرىن تاعۋعا، بالالاردى ۇستايتىن قۇرىلعىلاردى پايدالانۋعا، كولىكتى باسقارۋ كەزىندە ۇيالى تەلەفونداردى پايدالانۋعا، جاياۋ جۇرگىنشىلەر وتكەلدەرىنىڭ ءجۇرۋ ەرەجەلەرىن ساقتاۋعا ەرەكشە نازار اۋدارىلادى.
– وسى مۇمكىندىكتى پايدالانا وتىرىپ، جول قوزعالىسىنا قاتىسۋشىلاردان جقە تالاپتارىن قاتاڭ ساقتاۋدى، اۋا رايىنىڭ ناشارلاۋى كەزەڭىندە ەرەكشە ءتارتىپتى بولۋدى جانە ەلدى مەكەندەردەن تىس جەرلەرگە شىقپاۋدى سۇرايمىز، – دەپ اتاپ ءوتتى ءىىم.
ءىس-شارا وسى جىلدىڭ 29 اقپانىنا دەيىن جالعاسادى.