2024 جىلعى وليمپيادانىڭ بارلىق مەدالدارىنىڭ ديامەترى 85 مم جانە قالىڭدىعى 9،2 مم. 5084 مەدالدىڭ ءارقايسىسىنىڭ ورتاسىندا ارنايى جيەكتەلگەن ەيفەل مۇناراسىنان التىبۇرىشتى تەمىر بار. ماراپاتتاردىڭ ديزاينىن Chaumet زەرگەرلىك ءۇيى جاسادى. مەدالداردى پاريج مونەتا سارايى جاساپ شىعاردى، دەپ حابارلايدى aqshamnews.kz.
وليمپيادانىڭ التىن مەدالىنىڭ سالماعى 529 گرام. مەدالدىڭ 95،4% - دان استامى (505 گرامى) كۇمىستەن جاسالعان. التى گرامم تازا التىننان تۇرادى. بىلايشا ايتقاندا ول مەدالدى جالاتۋ ءۇشىن قولدانىلادى. قالعان 18 گراممى تەمىر.
2024 جىلعى وليمپيادا ويىندارىنىڭ التىن مەدالىنىڭ قۇنى التىن، كۇمىس جانە تەمىردىڭ سپوت باعاسىنا نەگىزدەلگەن شامامەن 950 دوللاردى قۇرايدى. بۇل مەدال وليمپيادا ويىندارى تاريحىنداعى ەڭ قىمبات مەدال بولدى. بۇل، ەڭ الدىمەن، التىن باعاسىنىڭ كوتەرىلۋىنە بايلانىستى. بۇرىن ەڭ قىمبات مەدالدىڭ قۇنى 2012 جىلى لوندونداعى وليمپيادادا بولعان — $708.
ەگەر التىن مەدال تازا التىننان جاسالعان بولسا، وندا ول شامامەن 41،16 مىڭ دوللارعا باعالاناتىن ەدى. جالپى تازا التىننان قۇيىلعان مەدال 1912 جىلعى وليمپيادا ويىندارىندا بەرىلگەن. سودان كەيىن مەدال ساپاسى تومەندەپ، التىنمەن جالاتىلىپ كەلەدى.
كۇمىس مەدالدىڭ سالماعى 525 گرامم. ونىڭ 507 گرامى كۇمىس بولسا، 18 گرامى تەمىردەن تۇرادى. ونىڭ قۇنى شامامەن $486 قۇرايدى.
قولا مەدالدىڭ سالماعى 455 گرامم. ونىڭ 415،15 گرامى مىس، 21،85 گرامى مىرىش جانە 18 گرامى تەمىردەن تۇرادى. ونىڭ قۇنى شامامەن $13 قۇرايدى.