الماتىدا ورتاشا جوندەۋ جۇمىستارى اياقتالىپ، رىسقۇلوۆ داڭعىلىنىڭ وڭتۇستىك جاعىندا قوزعالىس اشىلدى. ەستەرىڭىزگە سالا كەتەيىك، جوندەۋ جۇمىستارى 11 تامىزدان باستاپ رىسقۇلوۆ-كۋدەرين جولايىرىعى كوپىرىنەن رىسقۇلوۆ-بوكەيحانوۆ جولايىرىعىنا دەيىنگى ۋچاسكەدە جۇرگىزىلدى، دەپ حابارلايدى aqshamnews.kz
قالالىق موبيلدىلىك باسقارماسىنىڭ حابارلاۋىنشا، سوڭعى رەت اتالعان ۋچاسكەدە جوندەۋ جۇمىستارى 2014 جىلى، ياعني 10 جىل بۇرىن الماتىنىڭ جول-كليماتتىق ايماعىن ەسكەرە وتىرىپ، 5 جىلدىق نورماتيۆپەن جۇرگىزىلگەن.
سونداي-اق، بۇگىنگى كۇنى مومىش ۇلى كوشەسىنىڭ اۋماعىن ورتاشا جوندەۋ جۇمىستارى جالعاسۋدا. جۇمىس 16 تامىزدا ساعات 11.00-گە دەيىن جالعاسادى.
بۇعان قوسا، ەرتەڭنەن باستاپ 15 تامىز ساعات 20.00-گە دەيىن جوندەۋ جۇمىستارىنا بايلانىستى ساتبايەۆ كوشەسىنىڭ دوستىق داڭعىلىنان لۋگانسكيي كوشەسىنە دەيىنگى ۋچاسكەسىندە قوزعالىس جابىلادى.
ايتا كەتۋ كەرەك، 20 ماگيسترالدىق كوشەنى جوندەۋ كەزىندە جول توسەمىنىڭ بەرىكتىگىن ارتتىرۋعا باعىتتالعان پوليمەراسفالتوبەتون قولدانىلادى. جوندەلگەن اۋماقتار 36 ساعات بويى ءتيىستى تالاپقا ساي سالقىنداپ، قاتۋى كەرەك.
قالا اكىمى ەربولات دوسايەۆتىڭ تاپسىرماسىمەن ماگيسترالدىق كوشەلەردى جوندەۋ تامىز ايىنىڭ سوڭىنا دەيىن، اۋداندىق ماڭىزى بار كوشەلەردى جوندەۋ قازان ايىنىڭ سوڭىنا دەيىن اياقتالادى.
ەسكە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالارى» سەرۆيستەرىندە جازىلعان.