پەتروپاۆل قالالىق سوتى سولتۇستىك قازاقستان وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى ادىلەت مۇستافينوۆقا قاتىستى ۇكىم شىعاردى، دەپ حابارلايدى aqshamnews.kz.
سوتتالۋشى دەلدال ارقىلى قىلمىستىق-اتقارۋ جۇيەسى مەكەمەلەرىنە ۇن جەتكىزۋ قىزمەتتەرىندە مەملەكەتتىك ساتىپ الۋ شارتىن جاساسۋعا جاردەمدەسكەنى ءۇشىن كاسىپكەردەن 1 ملن تەڭگە مولشەرىندە پارا العان. سول ءۇشىن شەنەۋنىك كىنالى دەپ تانىلىپ، وعان ۇكىم شىقتى.
«سوت ۇكىمىمەن ادىلەت مۇستافينوۆ مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىم اتقارۋ قۇقىعىنان ءومىر بويىنا ايىرىلدى. سونداي-اق 30 ملن تەڭگە مولشەرىندە، پارا بەرۋشى مەن دەلدالعا تيىسىنشە 20 ملن جانە 10 ملن تەڭگە كولەمىندە ايىپپۇل سالىندى. ۇكىم زاڭدى كۇشىنە ەنگەن جوق»، - دەلىنگەن حابارلامادا.