كەمەلبەك ويشىبايەۆ: پاندەميا كوپتەگەن وسەك-اياڭنىڭ تۋىنداۋىنا، فەيكتەردىڭ تارالۋىنا تۇرتكى بولدى
بۇل تۋرالى «Astana Media Week – 2021» مەديا اپتالىعى اياسىنداعى «مەديانى دامىتۋ ستراتەگياسى» اتتى دوڭگەلەك ۇستەل بارىسىندا ق ر اقپارات جانە قوعامدىق دامۋ ۆيسە-مينيسترى كەمەلبەك ويشىبايەۆ ايتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
پاندەميا باستالعاننان بەرى 1 800-دەن استام فەيك اقپارات اشكەرەلەندى.
«ەڭ الدىمەن اقپاراتتىق تەحنولوگيالاردىڭ قارقىندى دامۋى تەك قانا اۋديتوريانىڭ قالاۋىن عانا ەمەس، سونىمەن بىرگە سالانىڭ نەگىزىن دە وزگەرتىپ جاتقانىن كورىپ وتىرمىز. سيفرلىق تەحنولوگيالار دامىعاننان كەيىن اقپارات باق-تىڭ مونوپولياسى بولۋدان قالدى جانە اقپارات ءبىرجاقتى تاراتىلمايدى. ياعني، ينتەرنەت پەن الەۋمەتتىك جەلىنىڭ دامۋى سەبەپتى باق-تا مونوپوليا جوق. ەندىگى ۋاقىتتا ب ا ق ءوزىنىڭ قىزمەتىن وزگەرتىپ، بۇقارالىق اقپارات قۇرالىنان بۇقارالىق كوممۋنيكاسيا قىزمەتىنە اينالىپ بارادى. قازىرگى ۋاقىتتا ب ا ق قىزمەتى بۇرىنعىداي ەڭ الدىمەن اقپاراتتاندىرۋ ەمەس. قازىرگى ۋاقىتتا الەۋمەتتىك جەلىنىڭ كەز كەلگەن قاتىسۋشىسى اقپارات تاراتادى»، - دەدى ول.
ونىڭ اتاپ وتۋىنشە، قازىرگى ۋاقىتتا باق-تىڭ نەگىزگى قىزمەتى بەلگىلى ءبىر اقپاراتتىڭ ءمان-جايىن ناقتىلاۋ، ساراپشىلاردى تارتۋ ارقىلى ورىن العان جايتتى ءتۇسىندىرۋ جانە قاجەت بولعان جاعدايدا اقپاراتتى تەرىستەۋ بولىپ وتىر.
«ءبىز بايقاپ وتىرعان ەكىنشى وزگەرىس - پاندەميا حالىقپەن ءوزارا ءىس-قيمىلدىڭ ستراتەگياسى مەن جاڭا ادىستەرىن قايتا قاراۋ قاجەتتىگىن جەدەلدەتتى»، - دەدى ۆيسە-مينيستر.
كەمەلبەك ويشىبايەۆ پاندەميانىڭ كوپتەگەن وسەك-اياڭنىڭ تۋىنداۋىنا، فەيكتەردىڭ تارالۋىنا تۇرتكى بولعانىن جانە بۇل كوپتەگەن ەلدەر ءۇشىن كۇردەلى پروبلەماعا اينالعانىن ايتتى.
«ءبىزدىڭ مىندەتىمىز قوعام قورقىنىشىمەن كۇرەسۋ بولدى. ادىستەردى وزگەرتۋگە دە تۋرا كەلدى. بۇرىنىراق تا از بولماعان فەيكتەر وتكىر ماڭىزعا يە بولىپ، ولاردىڭ تارالۋى ارتا ءتۇستى. ءتىپتى Stopfake.kz ارناۋلى رەسۋرسىن قۇرۋىمىزعا دا تۋرا كەلدى. جوبا «مەدياعا ارنالعان مەديا» قاعيداتىمەن جۇمىس ىستەيدى. كۇن سايىن سايت ماتەريالدارىن ءىرى باسىلىمدار كوشىرىپ باسادى. پاندەميا باستالعاننان بەرى كوروناۆيرۋس، پاندەميا، ۆاكسيناسيا جانە جالپى قازاقستان تۋرالى 1 800-دەن استام فەيك اشكەرەلەندى»، - دەدى ول.