ق ر پرەزيدەنتى: قازاقستان مەن تۇركيا اراسىنداعى قاتىناستار ءوزارا سەنىمگە، دوستىققا نەگىزدەلگەن
مەملەكەت باسشىسى قاسىم-جومارت توقايەۆ الەمدە قۇبىلمالى جاعداي قالىپتاسسا دا، تۇركىتىلدەس مەملەكەتتەرى ىنتىماقتاستىعىنىڭ وتە ماڭىزدى ەكەنىن اتاپ ءوتتى، دەپ حابارلايدى Almaty-akshamy.kz اقوردا سايتىنا سىلتەمە جاساپ.
«الەمدەگى قۇبىلمالى جاعدايدى ەشكىم ءدوپ باسىپ بولجاي الماي وتىر. وسىعان قاراماستان، ءبىزدىڭ ەلدەرىمىز اراسىنداعى قارىم-قاتىناستار ويداعىداي دامىپ كەلەدى. قازاقستان مەن تۇركيا اراسىنداعى قاتىناستار ءوزارا سەنىمگە، دوستىققا نەگىزدەلگەن»، – دەدى قازاقستان پرەزيدەنتى.
قاسىم-جومارت توقايەۆ تۇركيانىڭ حالىقارالىق ارەناداعى بەدەلىنىڭ ارتىپ كەلە جاتقانىنا توقتالىپ، باۋىرلاس ەلدىڭ جەتىستىگىنە قۋاناتىنىن جەتكىزدى. سونىمەن قاتار مەملەكەت باسشىسى ەكى ەل اراسىنداعى ىنتىماقتاستىقتىڭ بولاشاعىن جوعارى باعالادى.
«قاراشا ايىندا ءبىزدىڭ ەلدە وتەتىن تۇركى كەڭەسى ەلدەرىنىڭ سامميتىندە تۇركى الەمىنىڭ بىرلىگى مەن ىنتىماقتاستىعىن ودان ءارى كەڭەيتۋ جونىندە ءبىرقاتار ماڭىزدى شەشىم قابىلدانادى دەگەن ۇمىتتەمىز. ءوزىڭىزدى سول سامميتتە كۇتەمىز»، – دەدى تۇركيا ۇلى ۇلتتىق جينالىسىنىڭ ءتوراعاسى.