الماتى شاڭ استىندا قالدى
الماتىنى شاڭدى داۋىل باستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇگىن تاڭەرتەڭ قالانىڭ كوپتەگەن شاعىناۋدانىن شاڭدى داۋىل باسىپ قالدى. جەل اۋاعا شاڭ مەن قۇمدى كوتەردى. سينوپتيكتەر شاڭدى داۋىلدىڭ جاز جانە كۇز ايلارىندا ءجيى بولاتىن تابيعي قۇبىلىس ەكەنىن اتاپ ءوتتى.
"قازگيدرومەتتىڭ" حابارلاۋىنشا، 27 قىركۇيەكتە رەسپۋبليكانىڭ باسىم بولىگىندە قۇبىلمالى اۋا رايى ساقتالادى. فرونتالدى بولىكتەردىڭ اسەرىنەن جاڭبىر جاۋادى، باتىستا قاتتى جاڭبىر كۇتىلەدى. ەلدىڭ سولتۇستىگىندە، سولتۇستىك-باتىسىندا جاۋىن-شاشىن جاڭبىر مەن قار تۇرىندە بولادى. رەسپۋبليكانىڭ بارلىق اۋماعىندا كۇشتى جەل تۇرادى، وڭتۇستىكتە شاڭدى داۋىل كوتەرىلىپ، وڭتۇستىكتە، باتىستا نايزاعاي وينايدى.