رەسپۋبليكادا سايلاۋشىلاردىڭ ءبىرىڭعاي ەلەكتروندى ءتىزىلىمى قۇرىلادى
وزبەكستان ورتالىق سايلاۋ كوميسسياسى 10 مامىردا وتكەن وتىرىسىندا كەزەكتەن تىس پرەزيدەنتتىك سايلاۋ ناۋقانى باستالعانىن حابارلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وزبەكستان ورتالىق سايلاۋ كوميسسياسىنىڭ مالىمەتىنشە، سايلاۋ وكرۋگتەرىن قۇرۋ 15 مامىرعا دەيىن، ال سايلاۋ ۋچاسكەلەرىن قۇرۋ 25 مامىرعا جوسپارلانعان.
سونىمەن قاتار، رەسپۋبليكادا سايلاۋشىلاردىڭ ءبىرىڭعاي ەلەكتروندى ءتىزىلىمى قۇرىلادى.
ساياسي پارتيالار سايلاۋ ناۋقانى جاريالانعاننان كەيiن 3 كۇن iشiندە وزدەرiنiڭ ۋاكiلەتتi وكiلدەرiن تiركەۋ ءۇشiن ورتالىق سايلاۋ كوميسسياسىنا ءوتiنiش جاساۋى تيiس.
سايلاۋعا قاتىسۋ ءۇشىن پارتيالار 15 مامىرعا دەيىن قۇجاتتارىن تاپسىرۋى قاجەت.
پرەزيدەنتتىككە كانديداتتار 17 مامىر مەن 1 ماۋسىم ارالىعىندا ۇسىنىلادى. كانديداتتاردى تىركەۋ قۇجاتتارى 2 ماۋسىمعا دەيىن وسك-نا تاپسىرىلۋى ءتيىس.
تىركەلۋ 6 ماۋسىمدا اياقتالادى.
سايلاۋ كودەكسىنە سايكەس، سايلاۋ ناۋقانى باستالعانعا دەيىن ءتورت ايدان كەشىكتىرمەي ەلدە رەسمي تىركەلگەن ساياسي پارتيالار پرەزيدەنتتىككە ۇمىتكەر بولۋعا قۇقىلى.
قازىرگى ۋاقىتتا وزبەكستاندا بەس پارتيا تىركەلگەن: وزبەكستان حالىقتىق دەموكراتيالىق پارتياسى (حدپۋ)، «ميلليي تيكلانيش» پارتياسى («ۇلتتىق جاڭعىرۋ»)، «ادولات» سوسيال-دەموكراتيالىق پارتياسى («ادىلەت»)، ليبەرالدى-دەموكراتيالىق پارتيا (ۋزليدەپ) جانە ەكولوگيالىق پارتيا.
بۇعان دەيىن حابارلاعانىمىزداي، وزبەكستان پرەزيدەنتى شاۆكات ميرزيەيەۆ 2023 جىلدىڭ 9 شىلدەسىنە بەلگىلەنگەن مەملەكەت باسشىسىنىڭ كەزەكتەن تىس سايلاۋىن جاريالادى.