ءبىرىنشى راۋندتا تورەشىلەر ماحمۋدتىڭ باسىمدىعىنا قولداۋ ءبىلدىردى
وزبەكستان استاناسى تاشكەنت قالاسىندا ءوتىپ جاتقان الەم چەمپيوناتىندا ماحمۋد سابىرحان (54 كەلى) جارتىلاي فينالعا جولداما الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەشكى سەسسيادا ەل قۇراماسىنان رينگكە ەكىنشى بولىپ ماحمۋد سابىرحان كوتەرىلدى. ول گانالىق موحاممەدو امادۋمەن قولعاپ ءتۇيىستىردى.
ءبىرىنشى راۋندتا تورەشىلەر ماحمۋدتىڭ باسىمدىعىنا قولداۋ ءبىلدىردى. ەكىنشى راۋندتا ول جىلدام ارەكەتىمەن جەڭىسكە جاقىنداي ءتۇستى.
ناتيجەسىندە قازاقستاندىق بوكسشى قارسىلاسىن قاپى قالدىرىپ، جارتىلاي فينالعا جولداما الدى.
ايتا كەتسەك، ماحمۋد سابىرحان 2021 جىلى الەم چەمپيوناتىندا كۇمىس جۇلدەگەر اتانعان ەدى.