پاندەميا باستالعالى بۇل دەرتتەن 17 مىڭنان استام ادام كوز جۇمعان
قازاقستاندا كوروناۆيرۋس پەن كوروناۆيرۋس بەلگىلەرى بار پنيەۆمونيادان تاعى 28 ادام قايتىس بولدى. بۇل تۋرالى ق ر دەنساۋلىق ساقتاۋ مينيسترلىگىنەن ءمالىم ەتتى، دەپ حابارلايدى Almaty-akshamy.kz.
5 قاراشاداعى مالىمەتكە سايكەس، ەل وڭىرلەرىندە كوروناۆيرۋس پنيەۆمونياسىنىڭ 145 جاعدايى جانە 3 ءولىم جاعدايى تىركەلدى، 205 ادام ەمدەلىپ شىقتى. 2020 جىلدىڭ 1 تامىزى 2021 جىلدىڭ 5 قاراشاسى ارالىعىندا اۋىرعاندار – 80329، قايتىس بولدى – 5068، جازىلىپ شىقتى 69897 ادام.
سونداي-اق دەنساۋلىق ساقتاۋ مينيسترلىگىنىڭ دەرەگىنە سايكەس، 5 قاراشادا كوروناۆيرۋس ينفەكسياسىنان 25 ادام قايتىس بولدى. 2020 جىلدىڭ 13 ناۋرىزى – 2021 جىلدىڭ 6 قاراشاسى ارالىعىندا ەلىمىزدە ىندەت 948 599 ادامنان انىقتالدى، قايتىس بولدى – 12 250 ناۋقاس.