الماتىدا ۇلكەن الماتى وزەنىنىڭ ارناسىن قايتا جاڭارتۋ جۇمىستارى جالعاسىپ جاتىر، دەپ حابارلايدى aqshamnews.kz
جوبا اياسىندا جاعالاۋلار اباتتاندىرىلىپ، كوپىرلەر جوندەلەدى. سونداي-اق، وزەن بويىنا اعاشتار وتىرعىزىلىپ، اۆتوماتتى سۋارۋ جۇيەسى ورناتىلادى.
ۇزىندىعى 5،7 شاقىرىم بولاتىن اۋماقتا – №1 تۇندىرعىشتان باستاپ اباي داڭعىلىنا دەيىن - بۇگىندە جۇمىستىڭ 40%-دان استامى اياقتالدى.
قايتا جاڭارتۋ اياسىندا ەسكى تاقتالار الىنىپ، ورنىنا گيدرووقشاۋلاۋى بار جاڭا تاقتالار توسەلىپ جاتىر. جيەكتاستار جاڭارتىلىپ، جۇرگىنشىلەر جولدارى جاسالىپ وتىر. كوپىرلەرگە دە جوندەۋ جۇرگىزىلىپ، تازارتىلىپ، گرۋنتتالىپ، سىرلانۋدا.
اۆتوسۋارۋ جۇيەسىنە ارنالعان سورعى ستانساسىن ورناتۋ، كەلەسى كوكتەمدە جاپپاي اعاش ەگۋ جوسپارلانىپ وتىر. سونداي-اق، قاجەت بولعان جاعدايدا قوسىمشا ءتۇسۋ جانە كوتەرىلۋ جولدارى قاراستىرىلادى.
مەردىگەرلەردىڭ ايتۋىنشا، جۇمىس كەستەگە سايكەس جۇرگىزىلىپ جاتىر. جوبا 2026 جىلى اياقتالماق.