«ادال ازامات» ءبىرتۇتاس تاربيە باعدارلاماسىن جانە «وتباسى كۇنى» اياسىنداعى جالپىقالالىق جوسپاردى جۇزەگە اسىرۋدا، الماتى ءسان جانە قىزمەت كورسەتۋ سالاسى كوللەدجىندە «وتباسىلىق ءال –اۋقات» قارجىلىق ساۋاتتىلىق تاقىرىبىندا ترەنينگ وتكىزىلدى.
قارجىلىق ساۋاتتىلىق – ءار ادامنىڭ ومىرىندە ماڭىزدى ءرول اتقاراتىن داعدى.
ءىس-شارا كوللەدج ديرەكتورى دجۋنيسالييەۆ جانبولات سمان ۇلىنىڭ سوزىمەن اشىلدى.
ءىس-شارانىڭ نەگىزگى ماقساتى - قارجى سالاسىنداعى بىلىمدەرىن كەڭەيتۋ، جەكە بيۋدجەتتى جوسپارلاۋ، ارتىق شىعىننان اۋلاق بولۋ جانە قارجىلىق قاۋىپسىزدىك ەرەجەلەرىن ءتۇسىندىرۋ بولدى.
ترەنينگ بارىسىندا كەلەسى تاقىرىپتار قوزعالدى:
- اقشا دەگەن نە جانە ونى قالاي دۇرىس باسقارۋعا بولادى؛
- بيۋدجەت قۇرۋ جانە جيناق جاساۋ جولدارى؛
- قارىز، نەسيە، پايىز ۇعىمدارى؛
- قارجىلىق الاياقتاردان قورعانۋ ادىستەرى؛
- سيفرلىق قارجى قۇرالدارىن (Kaspi، بانك قوسىمشالارى) پايدالانۋ ەرەجەلەرى.قاتىسۋشىلار ينتەراكتيۆتى تاپسىرمالار مەن ومىرلىك جاعدايلارعا بايلانىستى سۇراقتار ارقىلى بىلىمدەرىن بەكىتتى. پىكىرتالاس فورماتىندا وتكەن شارا جاستاردىڭ قىزىعۋشىلىعىن وياتىپ، سانالى قارجىعا دەگەن كوزقاراسىن قالىپتاستىردى.
قورىتىندىسىندا، ترەنينگكە قاتىسۋشىلار:
✓ جەكە قارجىنى جوسپارلاۋدىڭ ماڭىزىن ءتۇسىندى؛
✓ جيناق پەن ۇنەمنىڭ قۇندىلىعىن ءبىلدى؛
✓ قارجىلىق جاۋاپكەرشىلىك داعدىسىن قالىپتاستىردى.
«سانالى قارجى – سەنىمدى بولاشاق» قارجىلىق ساۋاتتىلىق ترەنينگىندە اتا-انالار، جاس پەداگوگتار جانە ستۋدەنتتەر تاپسىرمالاردى ورىنداپ، بەلسەندىلىك تانىتتى. ۇسىنىلعان تاپسىرمالار قاتىسۋشىلاردىڭ ۇيىمشىلدىعىن، ىنتىماقتاستىعىن جانە شىعارماشىلىق قابىلەتتەرىن دامىتۋعا باعىتتالدى. شارا سوڭىندا قاتىسۋشىلار ءوز اسەرلەرىمەن «الماتى اقشامى» گازەتىمەن ءبولىستى. ترەنەرلەرگە قارجى ساۋاتتىلىعى بويىنشا سۇراقتار قويىلىپ، ناقتى جاۋاپتار قايتارىلدى.