بيىل 20 تامىزدا الماتى قالاسى ادىلەت دەپارتامەنتىنىڭ زياتكەرلىك مەنشىك قۇقىقتارى ءبولىمى قىزمەتكەرلەرى «ە» جشس-نە قاتىستى بوتەننىڭ تاۋار بەلگىسىن زاڭسىز پايدالانۋ فاكتىلەرى بويىنشا جوسپاردان تىس تەكسەرىس جۇرگىزدى. تەكسەرىس جۇرگىزۋدىڭ نەگىزى رەتىندە وتاندىق بەلگىلى برەندتىڭ قۇقىق يەلەنۋشىسىنىڭ رەسمي ءوتىنىشى الىندى.
ءىس-شارا بارىسىندا ەلەۋلى زاڭبۇزۋشىلىقتار انىقتالدى: قۇقىق يەلەنۋشىنىڭ تىركەلگەن تاۋار بەلگىسىن ەلىكتەتىپ، شاتاستىراتىنداي دارەجەدە ۇقساس بەلگىلەرمەن تاڭبالانعان 18 مىڭنان استام ءونىم بىرلىگىنىڭ بار ەكەندىگى بەلگىلى بولدى. انىقتالعانداردىڭ ىشىندە دايىن ونىمدەر، بوس ىدىستار، قاقپاقتار مەن جاپسىرما رۋلوندارى بار.
بۇل ىسكە ەرەكشە ءمان بەرەتىن جايت – تەك ساقتاۋ جانە ساتۋ ماقساتىنداعى ءونىم عانا ەمەس، سونىمەن قاتار زاڭسىز ءوندىرىس فاكتىسى دە اشكەرەلەندى. ارنايى جابدىقتا بوتەننىڭ تاۋار بەلگىسىن قولدانىپ، قاپتاۋ جانە تاڭبالاۋ جۇمىستارى جۇرگىزىلگەنى انىقتالدى. بۇل كونترافاكتىلىك ءونىمدى ءوندىرۋدىڭ جولعا قويىلعان ۇدەرىسى بار ەكەنىن ايعاقتايدى.
بارلىق انىقتالعان تاۋارلار تاركىلەندى، ءتيىستى حاتتامالار جاسالدى، ال ماتەريالدار قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 158-بابى اياسىندا ءىس بويىنشا ودان ءارى قاراۋ ءۇشىن سوتقا جولداندى.
وتاندىق نارىق ءۇشىن ماڭىزى
زياتكەرلىك مەنشىكتى قورعاۋ – بۇل تەك زاڭدى ساقتاۋ ماسەلەسى عانا ەمەس، ەكونوميكالىق قاۋىپسىزدىكتىڭ ستراتەگيالىق فاكتورى. برەندتەردىڭ زاڭسىز پايدالانىلۋى وتاندىق كومپانيالاردىڭ بەدەلىنە نۇقسان كەلتىرەدى، تۇتىنۋشىلاردىڭ سەنىمىن ازايتادى جانە ۇلتتىق بيزنەستىڭ باسەكەگە قابىلەتتىلىگىن السىرەتەدى.
الماتى قالاسى ادىلەت دەپارتامەنتى مۇنداي فاكتىلەرگە جۇيەلى تۇردە توسقاۋىل قويىلاتىنىن مالىمدەيدى. باستى باسىمدىق – قۇقىق يەلەنۋشىلەردىڭ قۇقىقتارىن قورعاۋ، كاسىپكەرلەر ءۇشىن اشىق ءارى ادال جاعدايدى قامتاماسىز ەتۋ، زياتكەرلىك مەنشىككە قۇرمەت مادەنيەتىن قالىپتاستىرۋ بولىپ قالا بەرەدى.
ەكونوميكالىق ەگەمەندىك پەن ۇلتتىق ماقتانىش
وتاندىق برەندتەردى قورعاۋ – بۇل تەك قۇقىق قولدانۋ تاجىريبەسى عانا ەمەس، سونداي-اق قازاقستان رەسپۋبليكاسىنىڭ ەكونوميكالىق ەگەمەندىگىن نىعايتۋ. بۇل – ەلدە ەڭبەك، شىعارماشىلىق پەن ينۆەستيسيالاردى قورعاۋعا باعىتتالعان جاعداي جاسالىپ وتىرعانىنىڭ ايقىن دالەلى.
وسىلايشا، «ە» ج ش س ءىسى قازاقستاننىڭ قۇقىقتىق ءتارتىپتى نىعايتۋعا، ادال باسەكەلەستىكتى دامىتۋعا جانە ەلدىڭ زاماناۋي ءارى قۇقىقتىق مەملەكەت رەتىندە، ۇلتتىق جەتىستىكتەردى باعالايتىن ءارى قورعايتىن مەملەكەت رەتىندە ءيميدجىن قالىپتاستىرۋداعى تاباندىلىعىن كورسەتەتىن ماڭىزدى كورسەتكىشكە اينالدى.