الماتى قالاسىنىڭ تۇركسىب اۋدانىنداعى №83 گيمنازيادا «قازاقستان بالالارى» جوباسى اياسىندا جاس سۋرەتشىلەر بايقاۋى ءوتتى. شارانى الماتى قالاسى توتەنشە جاعدايلار دەپارتامەنتى ۇيىمداستىردى.
بايقاۋدىڭ باستى ماقساتى – بالالارعا ءورت قاۋىپسىزدىگى جونىندە تۇسىنىك بەرۋ، ءورت سوندىرۋشىلەردىڭ كۇندەلىكتى جانقيارلىق ەڭبەگىن باعالاۋعا باۋلۋ بولدى. بالالار ءوز قيالدارىنداعى ءورت ءسوندىرۋشى بەينەسىن قاعاز بەتىنە ءتۇسىرىپ، «ءتىلسىز جاۋعا» قارسى كۇرەستى بوياۋلارمەن بەينەلەدى.
جاس سۋرەتشىلەر ءورت سوندىرۋشىلەردىڭ باتىل ارەكەتتەرىن كوركەم تىلمەن جەتكىزۋگە تىرىسىپ، ءار تۋىندىدا وتقا قارسى تۇرۋدىڭ ماڭىزدىلىعىن ۇعىندىرا ءبىلدى.
– بۇل بايقاۋ بالالار ءۇشىن عانا ەمەس، اتا-انالار ءۇشىن دە پايدالى بولدى، – دەيدى №83 گيمنازيا ديرەكتورىنىڭ تاربيە ءىسى جونىندەگى ورىنباسارى ۆەرا كازانسيەۆا.
– بالالار سۋرەت سالا وتىرىپ، ءورت كەزىندە نە ىستەۋ كەرەكتىگىن، قۇتقارۋشىلاردىڭ ەرلىك ىستەرىن ۇيرەنىپ، ءتۇسىندى. بايقاۋعا تۇركسىب اۋدانىنىڭ مەكتەپتەرىنەن الپىسقا جۋىق وقۋشى قاتىستى. قورىتىندىسىن كاسىبي سۋرەتشىلەر شىعارادى. جەڭىمپازدار مەن جۇلدەگەرلەرگە گراموتالار تابىستالادى. الايدا ەڭ ماڭىزدىسى – بالالار ءورتتىڭ الدىن الۋ مەن ءقاۋىپتىڭ الدىن قالاي الۋ كەرەكتىگىن ءتۇسىندى.
بايقاۋ حالىقارالىق بالالاردى قورعاۋ كۇنىنە ارنالعان ءىس-شارالار اياسىندا ۇيىمداستىرىلعان. مۇنداي تاربيەلىك ءمانى زور باستامالار بالالاردىڭ قاۋىپسىزدىك مادەنيەتىن قالىپتاستىرۋدا ماڭىزدى ءرول اتقاراتىنى ءسوزسىز.