بۇگىن №148 مەكتەپ-گيمنازياسىندا جاس ۇرپاقتىڭ بويىنا ۇلتتىق رۋح پەن مادەني مۇرانى ءسىڭىرۋ ماقساتىندا "ورنەك" اتتى ەتنو-لاگەر ءوز جۇمىسىن باستادى. بۇل باستاما وقۋشىلاردى اتا-بابا داستۇرىمەن تەرەڭ تانىستىرىپ، ۇلتتىق سانانى قالىپتاستىرۋدى كوزدەيدى.
ءىس-شارانىڭ اشىلۋ سالتاناتى وتە اسەرلى ءوتتى. مەكتەپ اۋلاسىندا ۇلتتىق كيىم كيگەن وقۋشىلار ءان ايتىپ، دومبىرامەن كۇي شەرتىپ، حالقىمىزدىڭ باي مادەنيەتىن پاش ەتتى. كيىز ءۇي تىگىلىپ، ۇلتتىق قولونەر كورمەسى ۇيىمداستىرىلدى. بالالار باۋىرساق، قىمىز، ىرىمشىك سىندى ۇلتتىق تاعام تۇرلەرىمەن تانىسىپ، كەيبىرىن ءوز قولدارىمەن دايىنداپ كوردى.
ەتنو-لاگەر اياسىندا تەك مادەني شارالار عانا ەمەس، سالاۋاتتى ءومىر سالتىن دارىپتەيتىن ءىس-شارالار دا جۇزەگە اسۋدا. اشىلۋ كۇنى مەكتەپ اۋلاسىندا دارىگەرلەردىڭ قاتىسۋىمەن ارنايى كۇش-قۋاتتى ارتتىرۋعا ارنالعان سەرۋەن دە ۇيىمداستىرىلدى. "قازاقستان بالالارى" اتتى 1 ماۋسىم – حالىقارالىق بالالاردى قورعاۋ كۇنىنە وراي ۇيىمداستىرىلعان، 26 مامىر – "دارىگەر بالاردىڭ جاناشىرى" اتتى ناۋقاستاردى انىقتاۋ جانە الدىن الۋ بويىنشا دارىگەرلەردىڭ كوشپەلى تەكسەرىستەرى جۇرگىزىلدى. نەگىزگى ماقساتى – بالالىق شاق ماسەلەلەرىنە مەملەكەت تاراپىنان باسىمدىق بەرىلەتىنىن قوعام ساناسىنا ءسىڭىرۋ، ونى مەملەكەتتىك ساياساتتىڭ ماڭىزدى باعىتى رەتىندە تانىتۋ. مەرەكەنىڭ نەگىزگى يدەياسى – ءاربىر بالا ءوزىن قورعالعان جانە ماڭىزدى تۇلعا رەتىندە سەزىنەتىن ورتا قالىپتاستىرۋ. بۇل مەرەكە ەلدىڭ بۇگىنى مەن بولاشاعى بالالاردىڭ سەنىمدىلىگى مەن اماندىعىنا نەگىزدەلەتىنىن ايقىندايدى. ءار كۇننىڭ وزىندىك ماعىناسى – ولار دەنساۋلىق، وتباسى، قاۋىپسىزدىك جانە بالانىڭ قۇقىقتارىن قورعاۋ سياقتى ماڭىزدى تاقىرىپتارعا ارنالادى.
شارا بارىسىندا وقۋشىلار تازا اۋادا ءتۇرلى قيمىل-قوزعالىس ويىندارىن ويناپ، دەنە بەلسەندىلىگىمەن اينالىستى. مەديسينا ماماندارى بالالارعا دۇرىس تاماقتانۋ، كۇن ءتارتىبىن ساقتاۋ جانە سپورتپەن شۇعىلدانۋدىڭ ماڭىزدىلىعى تۋرالى پايدالى اقپارات بەردى.
"ورنەك" ەتنو لاگەرىنىڭ باستى ەرەكشەلىگى – ۇلتتىق تاربيەنى زاماناۋي ادىستەرمەن ۇشتاستىرۋ. ءوز كەزەگىندە بۇل بالالار وزدەرىنىڭ تەگىن، تاريحىن، ءتىلىن تەرەڭىرەك ءتۇسىنىپ، ۇلتتىق سانا-سەزىمىن قالىپتاستىرادى. سونىمەن قاتار، كوشباسشىلىق، شىعارماشىلىق، ەڭبەكقورلىق پەن جاۋاپكەرشىلىك داعدىلارى داميدى. بۇگىنگى تاڭدا جاھاندانۋ زامانىندا ۇلتتىق بولمىستى ساقتاۋ – باستى مىندەتتەردىڭ ءبىرى. سول تۇرعىدا "ورنەك" ەتنو لاگەرى – بولاشاق ۇرپاقتىڭ بويىنا ۇلتتىق كودتى ءسىڭىرۋ جولىنداعى ماڭىزدى باستاما. مۇنداي جوبالار ارقىلى ءبىز ۇلتتىڭ رۋحاني جاڭعىرۋىن ىسكە اسىرامىز.
"ورنەك" ەتنو-لاگەرى – بۇل تەك دەمالىس ورنى ەمەس، ۇلت بولاشاعى سانالاتىن وسكەلەڭ ۇرپاقتىڭ جان-جاقتى دامۋىنا ارنالعان ماڭىزدى ءبىلىم مەن تاربيە الاڭى. مۇنداي جوبالار وقۋشىلاردىڭ ۇلتتىق بولمىسىن نىعايتىپ، دەنساۋلىقتارىن جاقسارتۋعا ىقپال ەتەدى.