قازاقستان مۇسىلماندارى ءدىني باسقارماسىنىڭ حابارلاۋىنشا، بيىل رامازان ايى 30 كۇنگە سوزىلادى. 11 ناۋرىز العاشقى كۇنى بولسا، 9 ءساۋىر – سوڭعى كۇنى. 10 ساۋىردە ورازا ايتى مەرەكەسى باستالادى. ءساۋىردىڭ 5-سىنەن 6-سىنا قاراعان ءتۇنى – ءقادىر ءتۇنى.
بيىل ءپىتىر مولشەرى 640 تەڭگە بولىپ بەلگىلەندى. ءپىتىر ساداقانىڭ مولشەرى قازاقستان بويىنشا 2 كەلى ۇننىڭ ورتاشا باعاسىمەن ەسەپتەلدى. ال ۇننىڭ باعاسى قمدب-نىڭ قالا جانە وبلىس وكىلدىكتەرىنىڭ بەرگەن مالىمەتى نەگىزىندە انىقتالدى. ءپىتىر ساداقاسىن قۇرما، مەيىز باعاسىمەن دە بەرۋگە بولادى.
ورازا نيەتى: اللا تاعالانىڭ رازىلىعى ءۇشىن تاڭ اتقاننان كۇن باتقانعا دەيىن رامازان ايىنىڭ ورازاسىن ۇستاۋعا نيەت ەتتىم.اۋىزاشار دۇعاسى: ۋا، جاراتقان يەم! سەنىڭ رازىلىعىڭ ءۇشىن ورازا ۇستادىم، ساعان يمان كەلتىردىم، ساعان تاۋەكەل ەتتىم، سەن بەرگەن ريزىقپەن اۋىز اشتىم. ۋا، كەشىرىمدى اللا! مەنىڭ الدىڭعى جانە سوڭعى كۇنا-كەمشىلىكتەرىمدى كەشىر!
