قازاقستان رەسپۋبليكاسىنىڭ ۇلتتىق كىتاپحاناسىندا كورنەكتى مەملەكەت جانە قوعام قايراتكەرى، ق ر ۇلتتىق كىتاپحاناسىنىڭ تۇڭعىش ديرەكتورى جاندوسوۆ وراز قيقىم ۇلىنىڭ 125 جىلدىعىنا ارنالعان «وراز جاندوسوۆتىڭ تاريحي تۇلعاسى جانە قوعامدىق-ساياسي قىزمەتى» اتتى حالىقارالىق عىلىمي كونفەرەنسيا ءوتتى.
ءىس-شارانىڭ ماقساتى – قازاقستاننىڭ قالىپتاسۋىنا باعا جەتپەس ۇلەس قوسقان قازاق حالقىنىڭ ءبىرتۋار ۇلى وراز جاندوسوۆتىڭ ەڭبەك جولى مەن تاعىلىمى مول تۇلعاسىن ناسيحاتتاۋ جانە دارىپتەۋ، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
ءىس-شاراعا مەملەكەت جانە قوعام قايراتكەرلەرى، قازاقستان، وزبەكستان جانە رەسەيدىڭ تاريحشى عالىمدارى مەن زەرتتەۋشىلەرى، الماتى قالاسىنىڭ ارحيۆ جانە مۋزەي قىزمەتكەرلەرى، وراز جاندوسوۆتىڭ تۋىستارى مەن ۇرپاقتارى قاتىستى.
كونفەرەنسيا اياسىندا «قايراتكەر وراز جاندوس: ءومىرى جانە قوعامدىق ساياسي قىزمەتى» اتتى كىتاپ پەن «وراز جاندوسوۆ. 1899-1938» بيبليوگرافيالىق ەڭبەكتىڭ تۇساۋكەسەر ءراسىمى ءوتتى.
سونىمەن قاتار ق ر ۇلتتىق كىتاپحاناسى، ق ر پرەزيدەنتى ءارحيۆى جانە ق ر ورتالىق مەملەكەتتىك مۋزەي قورىنان «ۇلتىم دەپ وتكەن قايراتكەر» اتتى كىتاپ جانە مۋزەي قۇجاتتارىنىڭ كورمەسى اشىلدى.