ق ر وقۋ-اعارتۋ ءمينيسترى عاني بەيسەمبايەۆ كورەيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى چجو تە-يكپەن كەزدەستى.
كەزدەسۋ بارىسىندا تاراپتار ورتا، تەحنيكالىق جانە كاسىپتىك ءبىلىم بەرۋ سالاسىنداعى ەكىجاقتى ىنتىماقتاستىقتى كەڭەيتۋ پەرسپەكتيۆالارىن تالقىلادى، دەپ حابارلايدى aqshamnews.kz.
كوللەدجدەردى ينتەرناسيونالداندىرۋ سالاسىندا تاجىريبە الماسۋ، اكادەميالىق ۇتقىرلىق شەڭبەرىندە ستۋدەنتتەر مەن وقىتۋشىلار ءۇشىن تاعىلىمدامالار ۇيىمداستىرۋ، سونداي-اق پەداگوگتەردىڭ كاسىبي قۇزىرەتتىلىگىن ارتتىرۋ ماسەلەلەرىنە ەرەكشە نازار اۋدارىلدى.
«مەملەكەت باسشىسى جاريالاعان جۇمىسشى ماماندىقتار جىلىنىڭ نەگىزگى ءىس-شارالارىنىڭ ءبىرى - ەلىمىزدىڭ 10 كوللەدجىن ينتەرناسيونالداندىرۋ بولماق. نەگىزگى ماقسات - ولاردىڭ جاھاندىق دەڭگەيدە باسەكەگە قابىلەتتىلىگىن ارتتىرۋ جانە ءبىلىم بەرۋ باعدارلامالارىن حالىقارالىق ستاندارتتارعا سايكەستەندىرۋ»، - دەدى عاني بەيسەمبايەۆ.
سونداي-اق ورتا ءبىلىم بەرۋ جانە كورەي ءتىلى مۇعالىمدەرىنىڭ بىلىكتىلىگىن ارتتىرۋ سالاسىندا ودان ءارى ءوزارا ىنتىماقتاستىق قۇرۋ مۇمكىندىكتەرى قاراستىرىلدى.