سوت وڭتۇستىك كورەيا پرەزيدەنتى يۋن سوك ولگە جاريالانعان يمپيچمەنتتى كۇشىندە قالدىردى، دەپ حابارلايدى aqshamnews.kz.
Yonhap اگەنتتىگى مالىمەتىنشە، بۇل شەشىمدى بارلىق سەگىز سۋديا قولدادى. ولاردىڭ پىكىرىنشە، بۇرىنعى مەملەكەت باسشىسى ەل كونستيتۋسياسىن قورعاۋ مىندەتىن ورىنداي الماعان. اسىرەسە، اسكەري جاعداي تۋرالى جارلىقتا پارلامەنت قىزمەتىنە تىيىم سالىنۋى ازاماتتاردىڭ نەگىزگى قۇقىقتارىنىڭ بۇزىلۋىنا اكەلگەن.
ەندى 60 كۇن ىشىندە ەلدە كەزەكتەن تىس پرەزيدەنتتىك سايلاۋ وتەدى.
بىلتىر جەلتوقسان ايىندا يۋن سوك ءول ەلدە اسكەري جاعداي ەنگىزگەن. وسىدان كەيىن اسكەريلەر پارلامەنتتى قورشاپ، عيماراتقا كىرۋدى شەكتەدى. الايدا بىرنەشە ساعات ىشىندە وڭتۇستىك كورەيا دەپۋتاتتارى پارلامەنتكە كىرىپ، اسكەري جاعدايدى جويدى.
وسى وقيعالاردان سوڭ پرەزيدەنتكە يمپيچمەنت جاريالانىپ، وعان قارسى قىلمىستىق ءىس قوزعالدى.