قازاقستان رەسپۋبليكاسىنىڭ مەملەكەتتiك كەڭەسشىسى ەرلان قارين ءوزىنىڭ telegram پاراقشاسىندا بيىلعى 5 قاراشادا ەلىمىزدە العاش رەت وتكىزىلگەن اۋدان جانە وبلىستىق ماڭىزى بار قالا اكىمدەرىنىڭ سايلاۋىنا قاتىستى پىكىر ءبىلدىرىپ، جازبا قالدىردى.
«قازاقستاندا تۇڭعىش رەت اۋدان جانە وبلىستىق ماڭىزى بار قالا اكىمدەرى سايلاندى. وزدەرىڭىزگە ءمالىم، اۋىل اكىمدەرىن سايلاۋ 2 جىلدان بەرى وتكىزىلىپ كەلەدى (سودان بەرى 1700-گە جۋىق اكىم سايلاندى). اۋدان اكىمدەرىنىڭ سايلاۋى قوعامدا زور قىزىعۋشىلىق تۋعىزدى. 45 اكىم لاۋازىمىنا 125 ۇمىتكەر تالاستى. ولاردىڭ قاتارىندا ءتۇرلى سالانىڭ وكىلدەرى – ەكونوميستەر، زاڭگەرلەر، وقىتۋشىلار، ينجەنەرلەر، اۋىل شارۋاشىلىعى جانە باسقا دا سالا ماماندارى بولدى. 7 ساياسي پارتيانىڭ ءبارى اۋدان اكىمدەرىنىڭ سايلاۋىندا ءوز ۇمىتكەرلەرىن ۇسىندى. 1 497 سايلاۋ ۋچاسكەسىندە كانديداتتار سەنىم بىلدىرگەن تۇلعالار، بايقاۋشىلار جانە بۇقارالىق اقپارات قۇرالدارىنىڭ وكىلدەرى، بارلىعى 8500-گە جۋىق ادام بايقاۋ جۇرگىزدى. وتكەن سايلاۋ – ورتالىق ازيا ايماعىنداعى العاشقى وسىنداي ساياسي تاجىريبە. وسىلايشا پرەزيدەنت قاسىم-جومارت توقايەۆتىڭ ساياسي رەفورمالارى وڭىردەگى ساياسي جاڭعىرتۋ ءىسىنىڭ جاڭا باعدارىن ايقىنداۋدا»، – دەپ تۇجىرىمداعان مەملەكەتتىك كەڭەسشى.