قازاقستان پرەزيدەنتى ق.توقايەۆتىڭ قازاقستان حالقىنا جولداۋى ناقتى قادامداردىڭ باستاۋى بولدى. جولداۋداعى جۇزەگە اسىرىلاتىن ساياسي رەفورمالار مەن الەۋمەتتىك-ەكونوميكالىق باعىتتا اتقارىلاتىن ءىس- شارالاردان حالقىمىز دا، ءبىز دە ۇلكەن ءۇمىت كۇتەمىز.
ازاماتتارىمىزدىڭ دەنساۋلىعى مىقتى، ءبىلىمى تەرەڭ بولۋى كەرەك دەگەن مەملەكەت باسشىسى ءبىلىم ساپاسىنا قاتىستى ءبىرقاتار وزگەرىستەر قولعا الىناتىنىن ءمالىم ەتتى. ءبىلىمدى ۇلت، ساپالى ءبىلىم بەرۋ ۇلتتىق جوباسىندا جەدەل شەشىمدەردى تالاپ ەتەتىن جانە حالىقتىڭ قاجەتتىلىگىن قامتاماسىز ەتۋگە باعىتتالعان ماسەلەلەر بويىنشا مەملەكەتتىك باعدارلامامەن ساباقتاستىق ساقتالعان. جولداۋدا ءاربىر وقۋشىنىڭ ءبىلىم الىپ، جان-جاقتى دامۋى ءۇشىن قولايلى جاعداي جاساۋ، «جايلى مەكتەپ» ۇلتتىق جوباسىن قولعا الۋ، 2025 جىلعا دەيىن 800 مىڭ بالانىڭ زاماناۋي مەكتەپتە وقۋىنا جاعداي جاساۋ، ءۇش اۋىسىمدىق مەكتەپتەردىڭ سانىن ازايتۋ ماسەلەلەرى قاراستىرىلعان. تۇرعىنداردىڭ ءومىر ءسۇرۋ ساپاسىن ارتتىرۋعا ارنالعان الەۋمەتتىك سالالار: دەكرەتتىك تولەم مەرزىمىن ۇزارتۋ، ايەلدەردىڭ زەينەتكەرلىك جاسى 61 جاستان بولۋى، ۇلتتىق قورداعى قارجىنىڭ ءبىر بولىگىن بالالاردىڭ ەسەپشوتىنا اۋدارۋ، ءبىلىم الۋ ءۇشىن جەڭىلدەتىلگەن نەسيە بەرۋ سياقتى تاپسىرمالار ەل بولاشاعىنىڭ جارقىن كورىنىسىن كورسەتتى. جاڭا ادىلەتتى قازاقستان يدەياسىنىڭ تۇپكى ماقساتى – ىرىتكى سالاتىن ەمەس، ىزگىلىك سىيلايتىن ۇرپاق تاربيەلەۋ. بۇل – قازاقستان رەسپۋبليكاسى ازاماتتارىنىڭ كونستيتۋسيالىق قۇقىعىنىڭ ساقتالۋىن كورسەتەدى.
بىزدەر، ءبىلىم سالاسىنىڭ قىزمەتكەرلەرى ەگەمەن ەلىمىز العان بيىكتەر مەن تابىستار بىرلىكتىڭ، ادال تىرلىكتىڭ ارقاسىندا كەلىپ وتىرعانىن جاستاردىڭ بويىنا ءسىڭىرۋ، اعا ۇرپاقتىڭ قولىمەن جاسالعان قۇندىلىقتاردى كوزدىڭ قاراشىعىنداي ساقتاۋعا ۇيرەتۋ – پەداگوگ پارىزى دەپ بىلەمىز.
سوندىقتان بىزدەر، پەداگوگتار قاۋىمى ۋاقىت رۋحىن سەزىندىرەتىن جولداۋعا سەنىممەن قاراپ، ازاماتتىق قولداۋ تانىتىپ، ءبىرتۇتاس ۇلتىمىزدىڭ بەرەكەلى قوعامدى جاساۋىنا ءوز ۇلەسىمىزدى قوسامىز.