ولجاس بەكتەنوۆ پەن نيگەريا فەدەراتيۆتى رەسپۋبليكاسىنىڭ يفە كورولى ووني ادەيەيە ەنيتان وگۋنۆۋسي ىنتىماقتاستىق ماسەلەلەرىن تالقىلادى، دەپ حابارلايدى aqshamnews.kz ۇكىمەتتىڭ تەلەگرام كانالىنا سىلتەمە جاساپ.
قازاقستان رەسپۋبليكاسىنىڭ پرەمەر-مينيسترى ولجاس بەكتەنوۆ ەلىمىزگە استانا حالىقارالىق فورۋمىنا قاتىسۋ ءۇشىن كەلگەن نيگەريا فەدەراتيۆتى رەسپۋبليكاسى يفە كورولى ووني ادەيەيە ەنيتان وگۋنۆۋسيمەن كەزدەستى.
بيىلعى 14 قاڭتاردا «ءابۋ-دابيدىڭ ورنىقتى دامۋ اپتالىعى» حالىقارالىق ءسامميتى اياسىندا قول جەتكىزىلگەن قازاقستان مەن نيگەريا پرەزيدەنتتەرى اراسىنداعى ۋاعدالاستىقتاردى جۇزەگە اسىرۋ ماسەلەلەرى تالقىلاندى. ساۋدا-ەكونوميكالىق جانە ينۆەستيسيالىق ىنتىماقتاستىققا، اوك، كولىك جانە لوگيستيكا، ەنەرگەتيكا، گەولوگيالىق بارلاۋ، سيفرلىق تەحنولوگيالار جانە باسقا دا سالالارداعى ءوزارا ءىس-قيمىلعا نازار اۋدارىلدى.
وتكەن جىلى قازاقستان مەن افريكا ەلدەرى اراسىنداعى جالپى تاۋار اينالىمى 15،4%-عا ءوسىپ، $789،2 ملن-دى قۇرادى. اگرارلىق سەكتولردا قازاقستاندىق بيدايدى نيگەرياعا جەتكىزىلۋ كەلەشەگى قاراستىرىلدى. كولىك جانە لوگيستيكا سالاسىندا ورتا ءدالىز قازاقستانعا سولتۇستىك جانە باتىس افريكا نارىعىنا تاۋار ەكسپورتتاۋ ءۇشىن مۇمكىندىكتەر اشادى.
كەزدەسۋ قورىتىندىسى بويىنشا تاراپتار قازاقستان مەن نيگەريا اراسىنداعى ەكىجاقتى ءوزارا ءتيىمدى ىنتىماقتاستىقتى كەڭەيتۋگە جاردەمدەسۋگە نيەتتى ەكەنىن راستادى.