جىل سايىن الەمدە شامامەن 700 000 ادام وز-وزىنە قول جۇمساۋ سالدارىنان كوز جۇمادى. ءاربىر سيفرلىق كورسەتكىش ارتىندا ناعىز تراگەديا جاتىر.
كوبىنەسە قايعىلى جاعدايدىڭ الدىن الۋعا بولاتىن ەدى. وز-وزىنە قول جۇمساۋدىڭ الدىن الۋ - بۇل ابستراكتىلى تاقىرىپ ەمەس، اركىم قاتىسا الاتىن ناقتى ادام كۇش-جىگەرى.
وز-وزىنە قول جۇمساۋ - بۇل ادام بۇدان بىلاي كوتەرە المايتىن ازاپ. سەبەپتەر ءارتۇرلى بولۋى مۇمكىن:
- پسيحولوگيالىق جاراقات، قايعىلى ساتتەر، زورلىق-زومبىلىق؛
- جالعىزدىق جانە «قاجەتسىز» بولۋ سەزىمى؛
- ۇزاققا سوزىلعان دەپرەسسيا نەمەسە مازاسىزدىقتىڭ بۇزىلۋى؛
- مەكتەپتەگى قورقىتۋ، جۇمىستاعى پروبلەمالار؛
- تاۋەلدىلىك، اۋرۋ، الەۋمەتتىك وقشاۋلانۋ.
سۋيسيدتىك مىنەز-قۇلىق «مانيپۋلياسيا» ءادىسى ەمەس، كومەككە شاقىرۋ ەكەنىن ءتۇسىنۋ ماڭىزدى.
ەسكەرتۋ بەلگىلەرىن ەلەمەۋگە بولمايدى. نازار اۋدارىڭىز، ەگەر ادام:
- ءولىم نەمەسە ءومىردىڭ ماعىناسىزدىعى تۋرالى ايتادى؛
- وزىنە-وزى كۇرت تارتىلادى؛
- جەكە زاتتارىن تاراتىپ بەرەدى؛
- ءقاۋىپتى نەمەسە دەمونستراسيالىق تۇردە الشاق مىنەز-قۇلىق تانىتادى؛
- ۇزاق ۋاقىت دەپرەسسيادان كەيىن كەنەت تىنىشتانىپ قالادى.
بۇل بەلگىلەردى ەلەمەڭىز. كەيدە ءبىر اڭگىمە ءومىردى ساقتاپ قالۋى مۇمكىن.
داعدارىس جاعدايىندا ادامعا قالاي قولداۋ كورسەتۋ كەرەك
ۇكىم شىعارماي تىڭداڭىز. ءسوزىڭ بولمەڭىز، ىشىندەگى ءمۇڭىڭ شىعارىپ ايتسىن.
كەمسىتپەڭىز. «ءوز ءوزءىڭدى جينا» جانە «قىڭىلداۋدى دوعار» دەگەن سياقتى تىركەستەر جاعدايدى ناشارلاتادى.
تىكەلەي سۇراق قويىڭىز. مىسالى، "ءسىز وز-وزىنە قول جۇمساۋ تۋرالى ويلادىڭىز با؟" بۇل ولاردى يتەرمەلەمەيدى، ءبىراق ءسىزدىڭ قامقور ەكەنىڭىزدى كورسەتەدى.
كومەك سۇراڭىز. مامانداردى تارتۋدان قورىقپاڭىز.
ەگەر ءسىز نەمەسە جاقىن ادامدارىڭىز قاتتى قينالىپ قالسا، جالعىز قالماڭىز. شۇعىل قولداۋ ىزدەڭىز: داعدارىس ورتالىقتارى، پسيحولوگيالىق قولداۋ قىزمەتتەرى جانە جاستار دەنساۋلىق ورتالىقتارى.
نەنى ەستە ساقتاۋ ماڭىزدى:
ءسۋيسيدتىڭ الدىن الۋعا بولادى. ەشكىم «جالعىز كۇرەسۋگە» مىندەتتى ەمەس. كومەك سۇراۋ – السىزدىك ەمەس، كۇشتىلىك. ءاربىر ءومىر قۇندى. ءقازىر امال جوق سياقتى كورىنسە دە، ءارقاشان شەشىمى تابىلادى.
«الماتى قالالىق سالاۋاتتى ءومىر سالتىن قالىپتاستىرۋ ورتالىعى» ج ش س تاپسىرىسى بويىنشا، 2025ج