اقتوبەدە سۋعا كەتىپ ولگەن وقۋشىنىڭ اتا-اناسى ۇلىنىڭ كىسى قولىنان قازا تاپقانىنا سەنىمدى. سەبەبى مارقۇمنىڭ دەنەسىندە سوققى ىزدەرى بولدى دەيدى قارا جامىلعان وتباسى. 17 جاستاعى جاسوسىپىرىممەن بىرگە كوز جۇمعان مارقۇمنىڭ تۋىستارى دا جۇمباق ولىمگە كۇدىكپەن قارايدى، - دەپ حابارلايدى aqshamnews.kz ءتىلشىسى "كتك" تەلەارناسىنا سىلتەمە جاساپ.
"بالامدى ەشكىم ماعان قايتارىپ بەرە المايدى. ونى جاقسى بىلەمىن. دەگەنمەن بالامنىڭ كىسى قولىنان قازا تاپقانىن دالەلدەۋىم كەرەك. بالام ءوزى، ەكى ادام بىردەي سۋعا سەكىرىپ كەتىپ، ەكى ادام بىردەي وقىس جاعداي بولدى دەگەنگە سەنە المايمىن. انا جۇرەگىم سەنبەيدى"، - دەيدى ايگۇل كەرەيەۆا.
11-سىنىپتا وقىعان يسلامنىڭ اناسى تەرگەۋدىڭ جان-جاقتى جۇرگىزىلگەنىن تالاپ ەتىپ وتىر. دەنەسى سۋدان تابىلعان بالاسىنىڭ ءمايىتىن اشىپ قاراعاندا، جاقىندارى شوشىپ كەتكەن. مارقۇم اۋىر سوققى الىپ، ولەر الدىندا بىرەۋ قورلاعان دەپ وتىر. سەبەبى، مۇرىنى تەسىلىپ، قۇلاق شەكەسىنەن باستاپ، جۇرەك تۇسى، قابىرعالارى تۇگەل كوگەرگەن. تىزەسىن تەمىرمەن ۇرعانداي داق قالعان دەيدى. وقۋشى ولەر كۇنى ءتۇن جارىمىنا دەيىن مونشادا جۇمىستا بولعان. ونى قارا كولىك الىپ كەتكەنى بەينەكامەراعا ءتۇسىپ قالىپتى. كەيىن سول كولىكتى تىزگىندەگەن، وزىنەن ون جاس ۇلكەن تۇرعىن ەكەۋىنىڭ ءولى دەنەسى ەلەك وزەنىنەن تابىلدى. 27 جاستاعى جىگىتتى وقۋشىمەن نە بايلانىستىرعانىن مارقۇمنىڭ تۋىستارى تۇسىنە الماي وتىر. ءبىراق ونىڭ دەنەسىنەن ەشبىر زومبىلىق ءىزى بايقالماپتى.
"ەكى بالا بۇرىن ءبىرىن-بىرى تانىمايتىن. تانىسا، ءبىز ءبىلۋىمىز كەرەك ەدى. ءيا، ولاردىڭ وتباسى ءبىلۋ كەرەك ەدى. بىر-بىرىمەن كەزدەسسە، استىنداعى ماشيناسىن ءبىلۋ كەرەك ەدى. ەندى ول مۇمكىن ەمەس جاعداي، ەكى جاققا دا جۇمباق. بۇلاردى نە بايلانىستىردى؟ جاسى دا سايكەس كەلمەيدى. بۇرىن جولداس بولدى، دوس بولدى دەيتىندەي"، - دەيدى سامات قالييەۆ،