كەۋدەسى مەن بەتىنە 22 رەت پىشاق سۇققان: پاۆلوداردا كاسىپكەردى ءولتىردى دەگەن كۇدىكتى رەسەيگە قاشىپ كەتكەن

پاۆلودارلىق كاسىپكەردى ولتىرگەنى ءۇشىن كۇدىكتى رەسەيدەن ەكستراديسيالاندى، - دەپ حابارلايدى aqshamnews.kz ءتىلشىسى. 
 
قازاقستان رەسپۋبليكاسى باس پروكۋراتۋراسىنىڭ قىزمەتكەرلەرى پاۆلودارلىق كاسىپكەردى ءولتىردى دەگەن كۇدىكپەن قازاقستان ازاماتىن رەسەي فەدەراسياسىنان ەكستراديسيالادى. بيىل 21 اقپاندا جابىرلەنۋشى جۇمىسقا كەتىپ، كەيىن بايلانىسقا شىعۋىن توقتاتقان، وسىعان بايلانىستى ول حابار-وشارسىز جوعالعان دەپ تانىلعان.

سوتالدى تەرگەپ-تەكسەرۋ بارىسىندا سول كۇنى كاسىپكەردىڭ پاۆلوداردا كۇدىكتىمەن ونىڭ تۇرعىن ءۇيىنىڭ اۋلاسىندا كەزدەسكەنى انىقتالدى. 

قارجىلاي كەلىسپەۋشىلىكتەرگە بايلانىستى ولاردىڭ اراسىندا جانجال تۋىنداپ، قاسكۇنەم جابىرلەنۋشىنىڭ كەۋدەسى مەن بەتىنە 22 رەت پىشاق سۇققان. جابىرلەنۋشى سول جەردە العان جاراقاتتارىنان كوز جۇمعان.

قىلمىستىڭ ءىزىن جاسىرۋ ماقساتىندا كۇدىكتى مارقۇمنىڭ دەنەسىن جانە ونىڭ اۆتوكولىگىن گاراجىنا جاسىرىپ، كەيىن قازاقستاننان شىعىپ، شەتەلگە قاشىپ كەتكەن. بيىل ناۋرىزدا ول رەسەي فەدەراسياسىنىڭ اۋماعىندا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ەلىنە ەكستراديسيالاندى.

ءقازىر كۇدىكتى تەرگەۋ يزولياتورىنا قامالدى. 

وعان ايىپ تاعىلعان قىلمىس بويىنشا 8 جىلدان 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.