نيۋ-يورك كانادانىڭ ورمان ورتىنەن ءتۇتىن جينالۋىنا بايلانىستى الەمدەگى ەڭ ناشار اۋا ساپاسى بويىنشا ءىرى قالالار اراسىندا ءبىرىنشى ورىندا تۇر، دەپ حابارلايدى Almaty-akshamy.kz.
كاناداداعى دالا ءورتىنىڭ ءتۇتىنى اقش-تىڭ شىعىس بولىگىنىڭ كوپ بولىگىن جامىلىپ، اۋانىڭ وتكىر ءيىسى اسپاندى قىزعىلت سارى تۇسكە اينالدىرعان.
مۋنيسيپالدى بيلىك 16 شتاتتاعى 128 ملن-عا جۋىق ادامعا ورمان ءورتى سالدارىنان اۋا ساپاسىنىڭ ناشارلايتىنىن ەسكەرتىپ، ۇيدەن شىقپاۋعا كەڭەس بەردى، دەپ جازدى قازاقپارات NBS News-كە سىلتەمە جاساپ.
سارسەنبىدە نيۋ-يورك شتاتىنىڭ گۋبەرناتورى كەتي حوچۋل شتاتتىڭ كوپ بولىگىنە اسەر ەتكەن دالا ءورتىنىڭ ءتۇتىنىن «دەنساۋلىق پەن قورشاعان ورتا داعدارىسى» دەپ اتادى .
ۇلتتىق مەتەورولوگيا قىزمەتىنىڭ مالىمەتىنشە، نيۋ-يورك شتاتىنىڭ نەگىزگى اۋداندارىندا اۋاداعى زياندى زاتتاردىڭ جوعارى كونسەنتراسياسى بەيسەنبىگە دەيىن ساقتالادى.
نيۋ-يورك بيلىگى قالادا ادەتتەگى اۋا ساپاسىنىڭ يندەكسى - شامامەن 50، ال سارسەنبىدە برۋكلين وكرۋگتەرىندە - 413، كۆينستە - 407 بولعانىن حابارلادى.
سونداي-اق، ۆاشينگتون (كولۋمبيا وكرۋگى)، بوستوندا (ماسساچۋسەتس) اۋا ساپاسى ناشارلاعان، ال فيلادەلفيا قالاسىندا (پەنسيلۆانيا) ءتىپتى ءقاۋىپتىڭ «قىزىل كودى» ەنگىزىلگەن.
رەسمي مالىمەتكە سايكەس، سارسەنبىدە بۇكىل ەل بويىنشا 414 ورمان ءورتى سالدارىنان ءبىرقاتار ەلدى مەكەندەردەن 20 مىڭنان استام ادام ەۆاكۋاسيالانعان.
بيىل كانادا بويىنشا 2200-دەن استام ورمان ءورتى تۇتانىپ، شامامەن 3،8 ملن گا ورمان ورتەندى.